१९९३ मध्ये सुभाष घई दिग्दर्शित ‘खलनायक’ हा चित्रपट प्रदर्शित झाला होता. या सुपरडुपर हिट चित्रपटाने संजय दत्तच्या करिअरला खऱ्या अर्थाने कलाटणी मिळाली. या चित्रपटातील ‘चोली के पीछे क्या है’, हे गाणं आजही लोकप्रिय आहे. कोणत्याही कार्यक्रमात हे गाणं हमखास गाजवलं जातं. या गाण्यावर अश्लील नावाचा टॅग जरी असला तरी हे गाणं लोकप्रिय आहे. या गाण्यात अभिनेत्री नीना गुप्ता दिसली होती. नीना गुप्ता यांनी या गाण्यात काम केलं असलं तरी त्यांनी याआधी ते गाणं करायला नकार दिला होता. या नाकारामागचं कारण आता ३१ वर्षांनंतर समोर आलं आहे. (Neena Gupta Incident)
या चित्रपटावेळी नीना गुप्ता या नावाजलेल्या अभिनेत्री होत्या. कोमल नाहाटा यांना दिलेल्या मुलाखतीत त्यांनी चित्रपटातील या गाण्याचा उल्लेख केला होता. त्यांनी सांगितले की, ‘जेव्हा दिग्दर्शक सुभाष घई यांनी त्यांना या गाण्याबद्दल सांगितले तेव्हा त्यांनी ते आधीच नाकारले होते. त्यांना असे गाणे करायचे नव्हते जिथे त्या माधुरीच्या मागे दिसतील. कारण त्या आघाडीची अभिनेत्री होत्या’. नीना गुप्ता यांनी सांगितले की, ‘त्या गाण्यात त्यांची छोटीशी भूमिका होती’. यानंतर त्यांनी त्याचा मित्र सतीश कौशिक याला जाऊन दिग्दर्शकाला सांगण्यास सांगितले की, ‘त्यांना या गाण्यात रस नाही. इतकंच नाही तर त्यांना अशी भूमिका ऑफर झाल्याने त्या संतापल्या होत्या’.
नीना गुप्ता म्हणाल्या, “मी सतीशला हे गाणे नको असं म्हटलं होतं. कारण पहिली गोष्ट म्हणजे मी डान्सर नाही. आणि दुसरी गोष्ट म्हणजे हे माझे गाणे नाही. आणि त्यात माझा पूर्ण नृत्यही नाही”. मात्र, नंतर सुभाष यांनी नीना यांना वैयक्तिक फोन करुन हे गाणे करायला सांगितलं आणि तिला या गाण्यामुळे कोणताही नुकसान होणार नाही, असंही सांगितले. त्यानंतर नीना गुप्ता यांनी होकार दिला आणि हे गाणे केले.
एवढा मोठा अनुभवी दिग्दर्शक तिला काहीतरी बोलतोय, असं त्यांना वाटत असल्याचं नीना यांनी यावेळी बोलताना सांगितलं. गाणे वाजेल की नाही हे नंतर ठरेल. आणि जर गाणं चाललं नाही तर त्यामुळे त्यांचे काही नुकसान होणार नव्हते. त्यानंतर त्यांनी हे गाणं करण्यास होकार दिला. सुरुवातीला हे गाणे ऐकल्यावर त्यांना आवडलं. त्यानंतर हे गाणं एवढ हिट होईल असं त्यांना वाटलंही नव्हतं.
