बाबा सिद्दिकी यांच्या हत्येने रितेश देशमुखला धक्का! न्यायाचे आवाहन करत म्हणाला, “गुन्हेगारांना कठोर…”

baba siddiqui death : राष्ट्रवादीचे नेते बाबा सिद्दीकी यांच्या हत्येच्या वृत्ताने संपूर्ण देश हादरला आहे. बाबा सिद्दीकी यांच्या हत्येची बातमी ऐकून बॉलिवूड कलाकारांना धक्का बसला आहे. शनिवारी रात्री उशिरा त्यांच्यावर अनेक गोळ्या झाडण्यात आल्या. गंभीर अवस्थेत त्यांना जवळच्या लीलावती रुग्णालयात दाखल करण्यात आले, मात्र उपचारादरम्यान त्यांचा मृत्यू झाला. सलमान खानपासून ते संजय दत्त आणि शिल्पा शेट्टीपर्यंत अनेक सेलिब्रिटी रात्रीच हॉस्पिटलमध्ये पोहोचले. रितेश देशमुखनेही सोशल मीडियावर व्यथा मांडत न्यायाची मागणी केली आहे.

रितेश देशमुखने X वर लिहिले की, “बाबा सिद्दीकीजी यांच्या दुःखद निधनाबद्दल मला खूप दुःख झाले आणि धक्का बसला. झीशान सिद्दीकी (त्यांचा मुलगा) आणि संपूर्ण कुटुंबाबरोबर माझ्या संवेदना आहेत. ईश्वर त्यांना या कठीण प्रसंगाला सामोरे जाण्याची शक्ती देवो. या जघन्य गुन्ह्यातील गुन्हेगारांना कठोर शिक्षा होऊन योग्य तो न्याय मिळायलाच हवा”. टीव्ही अभिनेत्री पूजा बॅनर्जीनेही बाबा सिद्दीकी यांच्याबरोबरचा एक जुना फोटो इंस्टाग्रामवर शेअर केला आणि त्यांच्या निधनाबद्दल शोक व्यक्त केला. अभिनेत्रीने लिहिले आहे की, “आमचे प्रिय बाबा सिद्दीकी यांच्या निधनाने खूप धक्का बसला आणि दु:ख झाले. न्यायाची मागणी करा आणि दिवंगत आत्म्याला शांती मिळावी यासाठी प्रार्थना करा, कुटुंब व मित्रांबद्दल माझ्या मनःपूर्वक संवेदना”.

आणखी वाचा – मसाबा गुप्ताला कन्यारत्न, अष्टमीच्या शुभमुहूर्तावर लक्ष्मी घरी आली, नीना गुप्ता यांच्या नातीची पहिली झलक समोर

Extremely saddened and shocked beyond words to learn about the tragic demise of Shri #BabaSiddique ji – My heart goes out to @zeeshan_iyc and the entire family- May god give them strength to brave this difficult time. The perpetrators of this horrific crime must be brought to… pic.twitter.com/zjNLnspbrp

— Riteish Deshmukh (@Riteishd) October 12, 2024

बाबा सिद्दीकी यांच्या हत्येची बातमी समोर येताच सलमान खानने ‘बिग बॉस १८’चे शूटिंग थांबवले आणि लगेच लीलावती हॉस्पिटल गाठले. बाबा सिद्दीकी यांच्यावर हल्ला झाला तेव्हा ते त्यांच्या कारमध्ये होते, असे सांगण्यात येत आहे. दोन शूटर हरियाणातील आणि एक यूपीचा असल्याचे सांगण्यात येत आहे. सलमानशिवाय संजय दत्त, प्रिया दत्त, वीर पहाडिया, झहीर इक्बाल यांच्यासह अनेक सेलिब्रिटी लीलावती हॉस्पिटलमध्ये पोहोचले.

आणखी वाचा – बाबा सिद्दीकींची हत्या, बॉलिवूड कलाकारांनी रुग्णालयात घेतली धाव, सलमान खान, शिल्पा शेट्टीला अश्रू अनावर

शिल्पा शेट्टीही पती राज कुंद्रासह हॉस्पिटलबाहेर दिसली. यावेळी तिला आपले अश्रू आवरता आले नाहीत. बॉलीवूड सेलिब्रिटी आणि बाबा सिद्दीकी यांच्यात चांगले बॉण्ड असल्याची माहिती आहे. सलमानपासून शाहरुखपर्यंत अनेक प्रसिद्ध व्यक्ती त्याच्या इफ्तार पार्टीत हजेरी लावत असत.