सध्या देशभरात दिवाळीचा माहोल आहे. सर्वसामान्यांप्रमाणेच कलाकार मंडळींमध्ये दिवाळीचा वेगळाच उत्साह यावेळी पाहायला मिळतो. अनेक कलाकार त्यांच्या व्यग्र वेळापत्रकातून वेळ काढत त्यांच्या कुटुंबासह दिवाळी साजरी करत आहे. त्यासंबंधीचे अनेक फोटोज व व्हिडीओज सोशल मीडियावर शेअर करतात. दिवाळीच्या शुभमुहूर्तावर काही कलाकारांनी स्वतःचं घर खरेदी केलं, तर काहींनी नवीकोरी कार. त्याचबरोबर, काही कलाकार विविध पद्धतीने दिवाळी साजरी करताना दिसत आहे. अशात, छोट्या पडद्यावरील ‘चला हवा येऊ द्या’ कार्यक्रमातून घराघरात पोहोचलेला अभिनेता कुशल बद्रिकेने यंदाची दिवाळी मोठ्या उत्साहात साजरी केली. (Kushal Badrike celebrates Diwali)
कुशलने त्याच्या इन्स्टाग्राम अकाऊंटवर दिवाळी साजरा करतानाचे काही फोटोज व व्हिडीओज शेअर केले. ज्यामध्ये तो त्याच्या कुटुंबियांसह फटाके फोडताना दिसला. त्याने यावेळी हिरव्या रंगाचा कुर्ता व पांढऱ्या रंगाचा पायजमा असा पारंपरिक लूक परिधान केला. त्याच्या या लूकने सर्वांचे लक्ष वेधलं आहे. तसेच, या फोटोमध्ये त्याच्या हातात लवंगी फटाके दिसत असून तो त्या फटाक्यांची माळ फोडताना दिसतो. हा फोटो शेअर करताना त्याच्या वडिलांची एक आठवण सांगितली, ज्यामुळे तो भावुक झाला.
हे देखील वाचा – दिवाळीनिमित्त अशोक सराफांच्या घरी पोहोचली तेजश्री प्रधान, पण भाव खाऊन गेल्या निवेदिता सराफ, मंगळसूत्राने वेधलं लक्ष
कुशल या पोस्टमध्ये म्हणाला, “आमच्या लहानपणी, दिवाळीतील फटाके म्हणजे सोशल मीडियावर पेटवला जाणारा प्रदूषणाचा मुद्दा नव्हता. जसं आकाश कंदील, रांगोळी, दिवे, ऊटण असतं तसंच फटाकेही असायचे. आमच्या लहानपणी, आम्ही फटाके फोडत असताना माझे पप्पा घराच्या ओट्यावर बसून आमच्यावर लक्ष ठेवायचे. लवंगी फटाक्यांच्या माळेला जी पुढे गाठ असते, ती सोडवून एक-एक फटाका सुटा करून द्यायचे. त्यामुळे माझी दिवाळी खूप वेळ वाजत राहायची.”
हे देखील वाचा – “चेहऱ्यावरील सुरकुत्यांचा…”, प्रसिद्ध मराठी अभिनेत्रीची आजीसाठी खास पोस्ट, म्हणाली, “तिच्या संस्कारामध्ये वाढले आणि…”
“आता मात्र फटाके फोडायला वेळेची बंधन आहेत, पण फटाक्यांचं स्वरुप कमालीच बदललं. आता बाजारात डोळ्यांना दिपवून टाकणारे, आसमंत उजळवून टाकणारे, वेगवेगळे रंग आणि आवाज काढणारे, एका भुईचक्रातून असंख्य भुईचक्र निघणारे, भारावून टाकणारे असे फटाके मिळतात. हल्लीची दिवाळी खूप भारी असते. फक्त तो गाठी सोडवून देणारा माणूस आयुष्यात राहिला नाही एवढाच.”, असं म्हणताना तो यावेळी भावुक झाला. त्याची ही पोस्ट चाहत्यांच्या पसंतीस उतरताना दिसत असून कमेंट्सद्वारे नेटकरी आपल्या भावना व्यक्त करत आहेत.