‘लाल सिंह चड्ढा’ चित्रपटाच्या अपयशानंतर आमिर खान पुरता खचला होता. इतकंच काय तर त्यानंतरच्या काळात डिप्रेशनमध्ये असल्याचंही आमिरने सांगितलं होतं. मात्र पुन्हा नव्याने कामाला सुरुवात करण्याचं त्याने ठरवलं. आता त्याचा ‘सितारे जमीन पर’ चित्रपट प्रदर्शित झाला आहे. हा चित्रपट प्रेक्षकांची निराशा करणार नसल्याची आमिरला अपेक्षा आहे. ‘सितारे जमीन पर’मध्ये आमिरसह जिनिलीया देशमुखही मुख्य भूमिकेत आहे. यासाठी चित्रपटासाठी दोघांनीही बरीच मेहनत घेतली आहे. आता हा चित्रपट नक्की कसा आहे? याबाबत सोशल मीडियाद्वारे प्रेक्षक व्यक्त होत आहेत. (sitaare zameen par movie review)
चित्रपटगृहामधून बाहेर आल्यानंतर प्रेक्षकांनीही ‘सितारे जमीन पर’बाबत विविध प्रतिक्रिया दिल्या आहेत. @its_CineHub ने या चित्रपटाला साडे चार स्टार दिले आहेत. चित्रपटाचं सर्वोत्कृष्ट दिग्दर्शन, कथा, पटकथा असल्याचं त्यांनी म्हटलं आहे. तसेच चित्रपटामधून उत्तम संदेशही देण्यात आला आहे. तर दुसऱ्या एका युजर्सने म्हटलं की, आमिर खानला सलाम. त्याचा अभिनय कमालीचा आहे. प्रत्येकाने बघावा असा हा चित्रपट आहे.
SITAARE ZAMEEN PAR Movie Public Review | Hit Or Flop? Honest Talk | Sitaare Zameen Par Reaction #SitaareZameenPar #AamirKhan #GeneliaDeshmukh #geneliadsouza #review #publicreaction #public #publicopinion #publictalk #one100news #SitaareZameenParReview pic.twitter.com/9MztuohyBY
— ONE100 NEWS (@ONE100NEWS) June 19, 2025
तसेच चित्रपट पाहून आल्यानंतरही प्रेक्षकांनी विविध प्रतिक्रिया दिल्या. ‘सितारे जमीन पर’ पाहून तुम्ही हसाल आणि रडणारही. तुमच्या मनात असलेल्या प्रश्नांवर विचार करायला भाग पाडणारा चित्रपट आहे, हा चित्रपट जेवढा भावनिक तितकाच विनोदीही आहे, हा चित्रपट प्रत्येकाने पाहावा, अशा विविध कमेंट सोशल मीडियाद्वारे प्रेक्षकांनी केल्या आहेत. म्हणजेच पहिल्या दिवशी ‘सितारे जमीन पर’ला प्रेक्षकांचा चांगला प्रतिसाद मिळत असल्याचं चित्र आहे.
आणखी वाचा – Video : आमिर खानचा लेक सलमान खानला भेटायला येताच बॉडीगार्डने धक्का मारत बाजूला काढलं अन्…; व्हिडीओ व्हायरल
‘सितारे जमीन पर’ म्हणजे एका कोचची कथा आहे. असा कोच आहे की, ज्याने त्याच्या आयुष्यातील कोणत्याच प्रसंगाचा हिंमतीने सामना केला नाही. जेव्हा आयुष्यात अडचणी उभ्या राहतात तेव्हा तो प्रत्येक प्रसंगाला कशाप्रकारे सामोरा जातो हे सांगाणारा ‘सितारे जमीन पर’ आहे. चित्रपटाचे दिग्दर्शन, लेखन आणि कलाकारांचंही बरंच कौतुक होत आहे. आता हा चित्रपट बॉक्स ऑफिसवर कितपत यशस्वी ठरतो हे पाहणं रंजक ठरणार आहे.
