Riteish Deshmukh And Genelia Deshmukh Bond : मनीष मल्होत्रा दरवर्षी दिवाळीच्या आधी एक भव्य पार्टी आयोजित करतो. यावर्षीही त्यांनी एका भव्य पार्टीचे आयोजन केले होते. डिझायनर-निर्माता मनीषच्या पार्टीत कलाकारांनी उत्तम वातावरण तयार केले. यावेळी बॉलिवूड कलाकारांची मांदियाळी पाहायला मिळाली. अनेक बॉलिवूड कलाकार यावेळी पारंपरिक वेशात हजेरी लावताना दिसले. या पार्टीत एका मराठमोळ्या आणि बॉलिवूड जोडीने साऱ्यांचं लक्ष वेधून घेतलं. ही जोडी म्हणजे महाराष्ट्राचे लाडके दादा-वहिनी म्हणजेच अभिनेता रितेश देशमुख व अभिनेत्री जिनिलिया देशमुख. दोघांच्या पारंपरिक लूकने विशेष लक्ष वेधून घेतलं.
मनीष मल्होत्राच्या दिवाळी पार्टीसाठी मनोरंजन क्षेत्रातील अनेक दिग्गज कलाकारांनी हजेरी लावली होती. अनेक कलाकार त्यांच्या आऊटफिटमध्ये खूप सुंदर दिसत होते. अनेकांनी हटके आणि पारंपरिक पद्धतीचे ड्रेसदेखील परिधान केलेले दिसून येत आहेत. यावेळी एका मराठमोळ्या जोडीने या सगळ्यामध्ये सगळ्यांचेच लक्ष वेधून घेतले आहे. ही जोडी मराठी चित्रपट सृष्टीबरोबरच हिंदी चित्रपटसृष्टीमध्ये एक लोकप्रिय जोडी आहे. यावेळी रितेशने काळ्या रंगाचा कुर्ता, पायजमा परिधान केला होता. त्याचा हा स्टायलिश अंदाज अनेकांना आवडला.
तर यावेळी जिनिलियाने पिवळ्या रंगाची घागरा चोळी आणि त्यावर सुंदर अशी भरजरी गुलाबी रंगाची ओढणी परिधान केली होती. तिचा फुलणारा घागरा अधिक लक्ष वेधून घेत होता. पापराजींच्या कॅमेऱ्यात कैद होण्यासाठी येत असताना रितेश व जिनिलिया यांनी एकमेकांचा हात धरला होता. यावेळी चालताना जिनिलियाच्या पायात घागरा आला आणि ती अडखळली. तेव्हा रितेशने हात देत तिला सावरुन घेतलं. त्यांचा हा सुंदर बॉण्ड असलेला व्हिडीओ सोशल मीडियावर तुफान व्हायरल होत आहे. अनेकांनी रितेशची बायकोसाठीची काळजी पाहून त्याचं कौतुकही केलं.
रितेश व जिनिलिया यांची जोडी मराठीसह हिंदी चित्रपटसृष्टीत प्रचंड लोकप्रिय आहे. या जोडप्याचा मराठीसह बॉलीवूडमध्ये प्रचंड मोठा चाहतावर्ग आहे. यामुळे या दोघांना महाराष्ट्राचे ‘दादा-वहिनी’ म्हणून ओळखलं जातं. जवळपास ९ वर्ष एकमेकांना डेट केल्यावर २०१२ मध्ये त्यांनी एकमेकांशी लग्न केले. रितेशला प्रत्येक गोष्टीत जिनिलीयाने खंबीरपणे साथ दिली. सोशल मीडियावर ही जोडी नेहमीच सक्रिय असते.
