आयपीएल इतिहासात सर्वात यशस्वी मानला जाणारा संघ म्हणजे ‘मुंबई इंडियन्स. पहिले काही सामने सलग पराभव स्वीकारल्या नंतरही फायनल पर्यंत मजल मारण्याची कामगिरी मुंबईने अनेकदा केली आहे. मुंबईला यंदाचा हंगाम ही काहीसा असाच सुरु झालेला पाहायला मिळाला. पहिल्या तीन सामन्यांमध्ये पराभव झाल्यानंतर अखेर चौथ्या सामन्यात मुंबईला विजय प्राप्त झाला. नुकत्याच पार पडलेल्या मुंबई इंडियन्स व दिल्ली कॅपिटल्स या सामन्यात दिल्लीचं पारडं मुंबईपुढे झुकलेलं दिसलं. (Mumbai Indians vs Delhi Capitals)
रोहित शर्मा, ईशान किशन, टीम डेव्हिड, रोमारिओ शेफर्ड यांच्या दमदार खेळीमुळे मुंबईने २३४ धावांचा विशाल डोंगर दिल्ली समोर उभा केला. महाकाय धावांचा पाठलाग करत असताना दिल्लीला देखील चांगलाच जोर लावावा लागला. मुंबईचा स्टार गोलंदाज जसप्रीत बुमराहने २ तर विदेशी खेळाडू गिर्लाड कॉटझी ने दिल्लीच्या ४ फलंदाजांना बाहेर काढण्यात यश मिळवले. मुंबईच्या प्रभावी माऱ्यामुळे २०५ धावांवर दिल्ली कॅपिटल्सला समाधान मानावे लागले आणि या हंगामातील आपल्या चौथ्या पराभवाचा सामना करावा लागला.
सामन्यानंतर विजयी संघाचा कर्णधार हार्दिक पांड्याने आपली बाजू मांडताना समाधान व्यक्त केले. हार्दिक पांड्या म्हणाला “आम्हाला कोणत्याही परिस्थतीमध्ये हा विजय मिळवायचा होता. त्यासाठी आम्ही सर्वांनी खूप मेहनतदेखील घेतली. सुरुवातीला आमची फलंदाजी चांगली झाली नंतर एकत्र काही गाडी बाद झाल्यानंतर थोडासा दबाव होता पण रोमारिओ शेफर्ड व टीम डेव्हिड यांच्या दमदार खेळीच्या जोरावर आम्ही २३४ धावांपर्यंत पोहचू शकलो. आम्ही आता पुन्हा विजयाकडे वाटचाल सुरु केली आहे. यासाठी आम्ही पुन्हा नव्याने संघबांधणी केली आणि त्याचा फरक आम्हाला या सामन्यात पाहायला मिळाला. शिवाय या सामन्यात प्रेक्षकांकडूनही चांगला प्रतिसाद मिळाला. त्यामुळे या विजयाचा आनंद द्विगुणित झाला. (Mumbai Indians vs Delhi Capitals)
मुंबई व दिल्ली या संघातील हा सामना मुंबई येथील वानखेडे स्टेडियमवर खेळवण्यात आला होता. मागील काही सामन्यांमध्ये प्रत्येक स्टेडियमवर हार्दिकला मोठ्या प्रमाणात ट्रोल केल्याचं दिसलं होतं. या सामन्यात मात्र असा कोणताही प्रकार निदर्शनास आला नाही. मुंबईच्या पहिल्या विजयानंतर हार्दिकला छंत्यांचं प्रेम पुन्हा मिळणार का? येणाऱ्या सामन्यांमध्ये मुंबई विजय मिळवण्यात यशश्वी होणार का हे पाहणं रंजक ठरणार आहे. मुंबईचा आगामी सामना चेन्नई सुपर किंग्सबरोबर असून रोहित शर्मा व महेंद्र सिंग धोनी हे दोन दिग्गज खेळाडू पुन्हा एकमेकांसमोर येणार आहेत. या दोघांमधील लढत पाहण्यासाठी देखील चाहते उत्सुक दिसत आहेत.
