बॉलिवूडमधील दिग्गज अभिनेत्री प्रियंका चोप्राने २००० साली मिस वर्ल्डचा किताब जिंकला. तिच्या सुंदरतेची चर्चा संपूर्ण जगभरात झाली. त्यानंतर तिने अनेक हिंदी चित्रपटांमध्ये काम केले आहे. ‘तमिजान’ या तमिळ चित्रपटातून अभिनयाची सुरुवात केली. त्यानंतर ‘द हिरो:लव्ह स्टोरी ऑफ अ स्पाय’चित्रपटातून हिंदी चित्रपटसृष्टीमध्ये पदर्पण केले. त्यांतर मात्र तिने कधीही मागे वळून पाहिले नाही. ‘बर्फी’, ‘बाजीराव मस्तानी’, ‘डॉन’, ‘फॅशन’, मेरी कोम’, ‘स्काय इज पिंक’ असे अनेक दर्जेदार चित्रपट केले आहेत. नुकत्याच भारतात ‘मिस वर्ल्ड २०२४’ च्या स्पर्धा झाल्या. त्या निमित्ताने प्रियंकाचा ‘मिस वर्ल्ड’ स्पर्धेचा एक व्हिडीओ व्हायरल झाला आहे. (Miss World Priyanka chopra wrong answer)
‘मिस वर्ल्ड २०००’ स्पर्धा सुरु असताना प्रश्न-उत्तराचा राऊंड सुरु असताना तिला विचारलेल्या प्रशाणांचे तिने चुकीचे उत्तर दिले. पण तरीही तिने हा किताब जिंकला. सर्व स्पर्धा झाल्यानंतर शेवटचा राऊंड हा प्रश्न-उत्तरांचा होता. तिला प्रश्न विचारला की, “तुम्हाला काय वाटतं की सध्याच्या काळात यशस्वी महिला कोण आहे?”, त्यावर प्रियंकाने उत्तर दिलं की, “मदर तेरेसा”. तिचे हे उत्तर चुकीचं होतं. तिच्या या व्हिडीओवर नेटकरी अनेक प्रतिक्रिया देत आहेत.
तिने यावर पूर्ण उत्तर देताना सांगितलं की, “अशा अनेक व्यक्ती आहेत ज्यांचा मी खूप आदर करते. पण यामध्ये सर्वात आवडती व्यक्ती म्हणजे मदर तेरेसा. त्या खूप प्रेमळ आहेत, विचारी आहेत. त्यांनी आपल्या देशासाठी खूप काही केलं आहे. त्यांच्याकडे जे काही होतं त्याचाही त्यांनी त्याग केला. त्यांनी दुसऱ्यांचे आयुष्य चांगले करण्यासाठी प्रयत्न केले”. प्रियंकाचे हे उत्तर चुकीचं असलं तरीही तिच्यासाठी सर्वांनी टाळ्या वाजवल्या, तिचे कौतुकही केलं. पण मदर तेरेसा यांचा मृत्यू १९९७ मध्ये झाला होता.
प्रियंका ही सध्या बॉलिवूड तसेच हॉलिवूडमध्येही आपले एक वेगळे स्थान निर्माण केले आहे. हॉलिवूड गायक, संगीतकार निक जोनसबरोबर तिने संसार थाटला असून तिला मेरी मालती नावाची मुलगी आहे. सध्या ती अमेरिकेमध्ये राहते.ती आता कल्पना चावलावर तयार होणाऱ्या बायोपिकमध्ये दिसू शकते.
