सध्याचे विश्व डिजिटल विश्व आहे. प्रत्येक गोष्टींसाठी इंटरनेटचा वापर मोठ्या प्रमाणावर होताना दिसत आहे. त्यातच सोशल मीडियाने अक्षरश: विश्व व्यापले आहे. त्यामुळे जगाच्या कानाकोपऱ्यात घडलेला कोणताही प्रसंग, कोणताही क्षण, कोणताही किस्सा किंवा कोणतीही घटना अगदी क्षणार्धात व्हायरल होते. त्यामुळे सोशल मीडियावरील या व्हायरल गोष्टींचे अनेकजण मोठ्या प्रमाणात अनुकरण करताना दिसतात.
सोशल मीडियावर एखादी गोष्ट व्हायरल झाली की, अनेक सामान्य व्यक्तींपासून ते अगदी कलाकार मंडळी त्याचे अनुकरण करतात. त्यात कधी एखादे गाणे असेल किंवा त्या गाण्याच्या स्टेप्स असतील, ते पाहून अनेकजण स्वत:चे रील्स बनवतात आणि सोशल मीडियावर व्हायरल करतात. अशातच सोशल मीडियावर एका आजीचा व्हिडिओ व्हायरल होत आहेत.
नुकताच गेल्या वर्षी ‘अ‍ॅनिमल’ चित्रपट आला होता. या चित्रपटाची बॉक्स ऑफिससह विविध माध्यमांवर चांगलीच चर्चा रंगली. यातील काही सीन्स, गाणी यासह बॉबी देओलचं ‘जमाल कुडू’ हे गाणं व या गाण्यावरील त्याचा डान्सही चांगलाच व्हायरल झाला होता. यावर आता एका आजीनेही भन्नाट डान्स केला आहे. सोशल मीडियावर व्हायरल होत असलेल्या व्हिडीओमध्ये एक आजी डोक्यावर दारूची बॉटल घेऊन नाचत आहेत.
आणखी वाचा – सिद्धू मुसेवालाची आई ५८व्या वर्षी गरोदर, जुळ्या मुलांना देणार जन्म, रुग्णालयामध्ये भरती करण्यात आलं अन्…
हा व्हिडीओ सध्या सोशल मीडियावर व्हायरल होत असून या व्हिडीओमध्ये आजीसह नातूदेखील भन्नाट डान्स करताना दिसत आहे. आजी-नातवाचा हा डान्स पाहून उपस्थितही अवाक झाले आहेत आणि मग तेही आजी-नातवाच्या डान्समध्ये सहभागी होतात.
दरम्यान, हा व्हिडीओ सोशल मीडियावर चांगलाच व्हायरल होत असून अनेकांनी आजींच्या या भन्नाट डान्सचे कौतुक केले आहे. या व्हिडीओखाली “बॉबी देओल पेक्षा आजींचा डान्स भन्नाट आहे, या वयात आजींचा डान्स पाहून भरावले, आजी जोमात बाकीचे कोमात, क्या बात है, खुपच छान” अशा अनेक कमेंट्स करत या व्हिडीओला चांगलाच प्रतिसाद दिला आहे.
