दाक्षिणात्य चित्रपटांचा जादू सध्या जगभर पसरला आहे. त्यातील राष्ट्रीय पुरस्कार विजेता अल्लू अर्जूनची ‘पुष्पा स्टाईल’ची तर वेगळीच क्रेझ पाहायला मिळते. सध्या क्रिकेटविश्वासह सगळीकडे वर्ल्डकपचे वारे वाहू लागले आहेत. २०२३चा क्रिकेट विश्वचषक भारतात आहे. दरम्यान काल पाकिस्तान विरुद्ध ऑस्ट्रेलिया यांच्यात चांगलाच सामना रंगाला. या सामन्यात पाकिस्तानवर ऑस्ट्रेलियाने धडाकेबाज विजय संपादन केला. पण ऑस्ट्रेलियाच्या विजयापेक्षा चर्चा जास्त रंगली आहे ती म्हणजे डेव्हिड वॉर्नर याच्या अनोख्या अंदाजाची सध्या त्याचा व्हिडीओ सोशल मीडियावर बराच व्हायरल होत आहे. (warner celebrates his hundred in pushpa style)
कालचा विश्वचषक सामन्यात ऑस्ट्रेलियाने पाकिस्तानवर ६२ धावांनी विजय मिळवला. हा सामना बेंगळुरुच्या चिन्नास्वामी स्टेडियमवर खेळवला गेला होता. या सामन्यात कांगारू संघाचा डावखुरा स्फोटक फलंदाज डेव्हिड वॉर्नरने आपला जलावा दाखवला. त्याने पाकिस्तान विरुद्ध शानदार शतक झळवत विजय संपादन केला. यादरम्यानचा वॉर्नरचा एक व्हिडीओ सध्या सोशल मीडियावर बराच व्हायरल होत आहे. ज्यात शतक पूर्ण झाल्यानंतर वॉर्नर त्याचा आनंद ‘पुष्पा’ स्टाईलमध्ये साजरा करताना दिसत आहे.
या सामन्यात डावखुऱ्या वॉर्नरने पाकिस्तानविरूद्ध धमाकेदार फलंदाजीचं प्रदर्शन केलं. ज्यात बऱ्याच चौकार व षट्कारांचा समावेश होता. ३० व्या ओव्हरमध्ये पाकिस्तानच्या मोहम्मद नवाजच्या बॉलवर त्याने आपल्या शतकपूर्तीसाठीचा धावा पूर्ण केला. १०० वी धावा घेतल्यानंतर त्याने साऊथच्या सुपरहिट चित्रपट ‘पुष्पा’तील अल्लू अर्जुनची आयकॉन स्टेप करत सेलिब्रेट केलं. सध्या हा व्हिडीओ सोशल मीडियावर बराच व्हायरल होताना दिसतो. बऱ्याच जणांनी वॉर्नरला ‘ज्युनियर पुष्पा’ म्हणून संबाधित केलं आहे. या सामन्यात त्याने १२४ बॉलमध्ये १६३ धावा बनवल्या.
डेव्हिड वॉर्नरची ‘पुष्पा’ स्टाईल साजरी करायाची ही पहिलीच वेळ नाही. या आधीही अनेकदा त्याने मैदानावर आणि मैदानाबाहेर बऱ्याचदा ‘पुष्पा’ स्टाईल झलक चाहत्यांना पाहायला मिळाली आहे. इतकंच नाहीतर तो बऱ्याचदा इन्स्टाग्रामवर अनेक वेळा फोटोज् व व्हिडीओतून अल्लू अर्जून त्याचा आवडता अभिनेता असल्याबाबत व्यक्त होताना दिसतो.
