बॉलिवूडमधील ७०-८० च्या दशकातील ‘ड्रिम गर्ल’ म्हणून ओळखल्या जाणाऱ्या अभिनेत्री म्हणजे हेमा मालिनी. त्यांनी आपल्या अभिनयाने तर प्रेक्षकांच्या मनावर राज्य केलंच पण त्यांच्या सौदर्याच्या चर्चा देखील बऱ्याच होत्या. त्या काळात हेमा मालिनी सगळ्यांच्या स्वप्नातील ‘ड्रिम गर्ल’ होत्या. आजही त्यांची सुंदरता तितकीच बरकरार आहे. नुकताच त्यांचा ७५वा वाढदिवस साजरा झाला. त्यांच्या वाढदिवसानिमित्त मोठ्या पार्टीच आयोजन करण्यात आलं होतं. यावेळी इंडस्ट्रीतील त्यांच्या जवळच्या सिताऱ्यांना बोलवण्यात आलं होतं. यात अभिनेत्री राणी मुखर्जी, शिल्पा शेट्टी, जया बच्चन, रेखा, अभिनेते जॅकी श्रॉफ यांच्यासह अनेक स्टार्सनी हजेरी लावली होती. (Salman khan sat at dharmendra feet)
या पार्टीला सलमान खानही आला होता. या पार्टीचे फोटो सध्या सोशल मीडियावर व्हायरल होत आहेत. त्यातील सलमान खान व धर्मेंद यांच्या फोटोंनी नेटकऱ्यांचं लक्ष वेधून घेतलं आहे. या फोटोत सलमान धर्मेंद्र यांच्या पायाजवळ बसलेला दिसत आहे.
नेहमी ज्येष्ठ अभिनेते धर्मेंद्र यांच्या जवळच्या व्यक्तींपैकी एक सलमान असल्याचं बोललं जातं. धर्मेंद्र सलमानला आपल्या मुलासारखे मानतात आणि त्यामुळे फोटोतील ती झलक ही पिता-पुत्राचीच आहे. सलमान एका आज्ञाधारी मुलासारखा आपल्या वडिलांसारख्या धर्मेंद्र यांच्या पायाजवळ बसून, त्यांच्याबरोबर गप्पा मारताना दिसला. माहितीनुसार सलमान धर्मेंद्र यांच्या पायाजवळ जवळजवळ १५ मिनिटं बसून होता.
रिपोर्ट्सनूसार, यादरम्यान धर्मेंद्रने त्याच्या तरुणपणातले बरेचसे किस्से सांगितले. यावेळी सलमान व धर्मेंद्र यांनी त्यांच्या आयुष्यातील घडामोडींबद्दल बऱ्याच गप्पा मारल्या. या सोहळ्यात सलमानने धर्मेंद्र व हेमा यांच्याबरोबर बराच वेळ घालवला.सलमान व धर्मेंद्र बऱ्याच चित्रपटात एकत्र दिसले आहेत. त्यांनी ‘प्यार किया तो डरना क्या’, ‘टेल मी ओ खुदा’, ‘यमला पगला दीवाना’ सारख्या चित्रपटांमध्ये काम केलं आहे. हेमा मालिनी यांनी या पार्टीचे बरेच फोटो व व्हिडीओ इन्स्टाग्रामवर शेअर केले आहेत. त्यातील व्हिडीओत सलमान व धर्मेंद्र एकमेकांबरोबर दिसले.
