Dipika Kakar Health : दीपिका कक्कर व शोएब इब्राहिम सध्या कठीण प्रसंगाला सामोरं जात आहेत. दीपिकाला यकृताचा कर्करोग झाला असल्याचे समोर आले. आणि म्हणूनच यावर शस्त्रक्रिया करायची म्हणून दीपिकाला हॉस्पिटलमध्ये नेण्यात आलं. बरेच दिवसांपासून दीपिकाची तब्येत ठीक नसल्याचे समोर आले. तिच्या यकृतामधील टेनिस बॉल इतका ट्यूमर असल्याची माहिती पती शोएब इब्राहिमने दिली. यानंतर केलेल्या चाचण्यांमध्ये दीपिकाला यकृताचा कर्करोग असल्याचे समोर आले. आणि आता दीपिकाची शस्त्रस्क्रियाही पूर्ण झाली असल्याचं तिच्या पतीने पोस्ट शेअर करत सांगितलं. शस्त्रक्रियेनंतर दीपिका सध्या आयसीयूमध्ये असून तिची तब्येत स्थिर असल्याचं शोएबने सांगितलं.
दीपिकाला पोटात ट्युमर असल्याचं काही दिवसांपूर्वीच समोर आलं. यानंतर शोएबसह संपूर्ण कुटुंबियांना मोठा धक्का बसला. फदीपिकाचा नवरा शोएब इब्राहिमने एक व्हिडीओ बनवत चाहत्यांना याबाबतची माहिती दिली आहे आणि दीपिकासाठी प्रार्थना केली आहे. शोएबने सांगितले की, दीपिकाला यावर उपचार म्हणून शस्त्रक्रिया करण्याशिवाय पर्याय नाही. आणि याप्रमाणे दीपिकाची शस्त्रक्रिया देवाच्या कृपेने पूर्ण झाली आहे. याबाबतची अपडेट त्याने इंस्टाग्रामवर दिली आहे.
दीपिकाच्या नवऱ्याने पोस्ट शेअर करत असं म्हटलं की, “सर्वांना नमस्कार, माफ करा, काल रात्री मी तुम्हाला अपडेट देऊ शकलो नाही, ही एक मोठी शस्त्रक्रिया होती. ती १४ तास ओटीमध्ये होती. पण देवाच्या कृपेने सर्व काही व्यवस्थित झाले. दीपी सध्या आयसीयूमध्ये आहे. तिला थोडा त्रास होत आहे, पण ती स्थिर आहे आणि ती ठीक आहे. तुमच्या प्रेमासाठी, प्रार्थनांसाठी आणि पाठिंब्यासाठी सर्वांचे मनापासून आभार. याचा खरोखर खूप अर्थ आहे. ती आयसीयूमधून बाहेर आल्यानंतर मी तुम्हाला सर्वांना अपडेट करेन. पुन्हा एकदा धन्यवाद. तिच्यासाठी प्रार्थना करत राहा”.
सर्जरीपूर्वी शोएबने व्हिडीओ शेअर करत दीपिकाबाबत काळजी व्यक्त केली होती. यावेळी तो खूप टेन्शनमध्ये असल्याचं दिसलं. तो म्हणाला होता की, “डॉक्टरांनी ज्या तपासण्या करण्यास सांगितल्या होत्या त्या झाल्या आहेत. आता आम्हाला कळेल की, नक्की काय उपचार करायचे आहेत. पोटातील ट्युमर काढणं गरजेचं आहे. हे मी आधीही सांगितलं होतं. इतर राहिलेल्या तपासण्या झाल्यानंतर पुढच्या आठवड्यात सर्जरी होईल. तुम्ही सगळ्यांनी दीपिकासाठी प्रार्थना करा”. अचानक प्रसंग ओढावल्यानंतर दीपिकासह शोएबही पूर्णपणे खचला आहे.
