Aamir Khan latest news : बॉलिवूड अभिनेता आमिर खान अखेरचा ‘सितारे जमीन पर’ या चित्रपटात दिसला होता. चित्रपटाबरोबरच अभिनेता नेहमीच कोणत्या ना कोणत्या कारणामुळे चर्चेत असलेला पाहायला मिळाला आहे. अशातच मुंबईच्या वांद्रे येथे त्याच्या घराचा एक व्हिडीओ नुकताच समोर आला आहे, ज्यात पोलिसांच्या वाहनांनी त्यांच्या घरासमोर गराडा घातल्याचं पाहायला मिळालं आहे. असे सांगितले जात आहे की सुमारे २५ आयपीएस अधिकारी त्याच्या घरी पोहोचले. आयपीएस अधिकाऱ्यांच्या नजरेत आमिर खानचे घर का आले यावर आता सर्वत्र चर्चा केली जात आहे.
आमिर खानला भेटण्यासाठी सुमारे २५ आयपीएस अधिकारी वांद्रे येथे त्याच्या घरी पोहोचले असा दावा करीत आहेत. तथापि, या अहवालात असेही सांगितले जात आहे की टीम अभिनेत्याला भेटायला गेली आहे, परंतु आमिर किंवा त्याच्या टीमने अधिकृतपणे याची पुष्टी केली नाही. पण यावर जोरदार चर्चा केली जात आहे. या भेटीमागचं नेमकं कारण काय असा सवालही उपस्थित झाला आहे.
आणखी वाचा – ऋतुजा बागवेचे व्यवसाय क्षेत्रात पदार्पण, ‘या’ ठिकाणी सुरु केलं स्वतःच हॉटेल, नावंही आहे खूप खास
जेव्हा आमिरच्य टीमशी ‘न्यूज 18’ ने संपर्क साधण्याचा प्रयत्न केला तेव्हा त्यांच्या टीमकडून असं समोर आलं की, “अचानक पोलिसांचे येण्यामागील कारण आम्हालाही अद्याप समजलेलं नाही. आम्ही अजूनही आमिरशी बोलत आहोत”. यावरुन मिस्टर परफेक्शनिस्टच्या घराबाहेर असलेली आयपीएस अधिकाऱ्यांच्या गाड्यांची गर्दी नेमकी कशासाठी आहे हा सवाल उपस्थित झाला आहे.
चित्रपटांविषयी बोलताना आमिरच्या ‘सितारे जमीन पर’ ने प्रदर्शनाच्या अवघ्या एका महिन्यानंतर भारतात सुमारे १५५ कोटी रुपये कमावले होते. हा चित्रपट आरएस प्रसन्न यांनी दिग्दर्शित केला आहे आणि यांत जिनिलिया डिसोझा प्रमुख भूमिकेत पाहायला मिळाली. राजकुमार हिरानीच्या भारतीय सिनेमाचे पितामह दादा साहेब फाळके यांच्या बायोपिकमध्ये आमिर दिसणार असल्याची चर्चा आहे.
