Rutuja Bagwe New Business : कलाकार मंडळी अभिनयाबरोबरच व्यवसाय क्षेत्रात कार्यरत असलेले पाहायला मिळतात. प्रत्येक कलाकाराचा अभिनयाबरोबरच जोडधंदा हा असावाच. बरेचदा या कलाकारांच्या हाती काहीच काम नसतं तेव्हा यांना हा जोडधंदाच तारतो असं म्हणणं वावगं ठरणार नाही. मराठी कलाविश्वात असे अनेक कलाकार मंडळी आहेत ज्यांनी व्यवसाय क्षेत्रात आपला जम बसवला आहे. अनेक अभिनेत्रीही बिझनेसवुमन होत एक नवं पाऊल उचलताना दिसल्या. अशातच आता आणखी एका अभिनेत्रीने व्यवसाय क्षेत्रात पाऊल टाकलं आहे. ही अभिनेत्री म्हणजे हिंदी, मराठी मालिकांमधून घराघरांत पोहोचलेली ऋतुजा बागवे.
ऋतूजा बागवेने हॉटेल इंडस्ट्रीमध्ये पदार्पण केलं आहे. तिने स्वतःच नवं हॉटेल मुंबई येथील मरोळ भागात सुरु केलं आहे. साधारण दोन वर्षांपूर्वी अभिनेत्रीने ठाण्यात स्वतःच घर घेतलं. त्यांनतर लगेचच अभिनेत्रीने नवं हॉटेल घेतलं. फूडचं पाऊल असं या तिच्या नव्या हॉटेलचं नाव आहे. हटके नाव देत तिने हे नवीन हॉटेल सुरु केलं आहे. ऋतुजाच्या हॉटेलचा काल उदघाटन सोहळा पार पडला. या सोहळ्याला अभिनेता सुबोध भावेने हजेरी लावलेली दिसली. त्यांच्या हस्ते हा उदघाटन सोहळा पार पडला.
ऋतुजाने नुकतीच “आयुष्यात पुढचं पाऊल टाकतेय” अशी इन्स्टाग्राम स्टोरी शेअर करत ही आनंदाची बातमी दिली. यावरुनच अभिनेत्रीने तिच्या नव्या रेस्टॉरंटचं नाव ठेवलं आहे. तिच्या नव्या हॉटेलचं नाव आहे ‘फूडचं पाऊल’. याठिकाणी खवय्यांना व्हेज व नॉन व्हेज अशा दोन्ही पदार्थांचा आस्वाद घेता येणार आहे. ऋतुजाने तिच्या नव्या रेस्टॉरंटची पहिली झलक चाहत्यांना व्हिडीओच्या माध्यमातून दाखवली आहे.
अभिनेत्रीने दिलेल्या या आनंदाच्या बातमीवर अनेकांनी तिला शुभेच्छा दिल्या आहेत. आणि तिच्यावर कौतुकाचा वर्षाव केला आहे. हार्दिक जोशी, सोनाली खरे, अश्विनी महांगडे, शर्मिला शिंदे, हर्षदा खानविलकर, प्राजक्ता गायकवाड, पूर्वा कौशिक, माधुरी पवार, केतकी विलास अशा अनेक कलाकारांनी अभिनेत्रीवर कौतुकाचा वर्षाव करत दिल्या नव्या व्यवसायासाठी भरभरुन शुभेच्छा दिल्या आहेत.
