Rubina Dilaik daughters : अभिनेत्री रुबिना दिलैकने गेल्या वर्षी डिसेंबर महिन्यात आई झाल्याची गुडन्यूज शेअर केली होती. रुबिना दिलैकने जुळ्या मुलींना जन्म दिला. रुबिना व अभिनव यांनी नोव्हेंबर २०२३ मध्ये जुळ्या मुलींना जन्म देत आनंदाची बातमी चाहत्यांसह शेअर केली. आई-बाबा झाल्यानंतर ही जोडी विशेष चर्चेत असलेली दिसली. सोशल मीडियावर मात्र त्यांनी त्यांच्या लेकींचे चेहरे काही दाखवले नव्हते. आता तब्बल ११ महिन्यांनंतर दोघांनीही आपल्या छोट्या देवदूतांचा चेहरा जगाला दाखवला आहे. रुबिना व अभिनव यांच्या लेकी एधा व जीवा यांनी आपल्या निरागसतेने सर्वांची मने जिंकली आहेत.
खरंतर, रुबिना दिलैक तिच्या कामाबरोबरच युट्युबवर व्हिडीओ बनविण्यात सक्रिय असते. सोशल मीडियावरही ती नेहमीच सक्रिय असलेली पाहायला मिळाली आहे. त्यावर अभिनेत्री तिच्या वैयक्तिक आयुष्याशी संबंधित अपडेट्स चाहत्यांबरोबर शेअर करते. तिच्या नवीनतम ब्लॉगमध्ये रुबिना तिच्या मुली एधा आणि जीवाबद्दल बोलताना दिसली. अभिनेत्री म्हणाली, “माझ्या मुली फक्त दीड वर्षाच्या आहेत; पण मला त्यांच्या रंगामुळे अनेकांकडून ऐकून घ्यावं लागलं आहे. कारण माझी एक मुलगी थोडी गोरी आहे आणि दुसरी थोडी सावळी आहे. अशा परिस्थितीत जो कोणी त्यांना पाहतो, तो त्यांची तुलना करु लागतो”.
आणखी वाचा – ‘ठरलं तर मग’ संपणार?, मालिकेच्या कथानकाबद्दल अर्जुन सुभेदार व्यक्त, म्हणाला, “ही कोर्ट केस संपली की…”
रुबिना पुढे म्हणाली, “माझ्या घरात या गोष्टी मला सहन होत नाहीत. फक्त बाहेरचेच नाही, तर कधी कधी माझ्या कुटुंबातील सदस्यही मला याबद्दल सल्ला देऊ लागतात. ते म्हणतात की, तू तिला मसूरची पेस्ट किंवा उटन का लावत नाहीस. त्यामुळे तिचा रंगही गोरा होईल. मी त्यांना लगेच उत्तर देते की, मी हे करणार नाही. मी माझ्या मुलींना नेहमीच सांगते की, तुम्ही सुंदर आहात, निर्भय आहात”.
रुबिना व अभिनवने जून २०१८ मध्ये शिमला येथे लग्न केले. यानंतर, सप्टेंबर २०२३ मध्ये तिने सोशल मीडियाच्या माध्यमातून तिच्या गरोदरपणाची घोषणा केली. रुबिना तिच्या निर्दोष शैलीसाठी ओळखली जाते. ती ‘बिग बॉस’ २०१४ ची विजेतीही होती. रुबिनाने आज इंडस्ट्रीमध्ये १६ वर्षांहून अधिक काळ घालवला आहे.
