Devmanus final scene : ‘झी मराठी’ वाहिनीवरील ‘देवमाणूस ३’ मालिकेनं प्रेक्षकांची मनं जिंकली. रहस्य, थरार अशी धाटणी असणारी ही मालिका लोकप्रिय ठरली. या मालिकेचा तिसरा सीझन सध्या सुरु आहे. या मालिकेची सध्या मालिकाविश्वात हवा असलेली पाहायला मिळत आहे. सुरुवातीला मालिकेचा ट्रॅक काही प्रेक्षकांना पसंतीस आला नाही मात्र मालिकेच्या कलाकारांवर आणि सीन्सवर प्रेक्षक भाळले. देवमाणूस म्हणजेच अजित कुमार देव, देवीसिंग आणि गोपाळ हा प्रत्येक वेळी खून करुन सहज कसा सुटतो, यात काही तरी नवीन हवं, असं प्रेक्षकांनी म्हटलं. आणि त्यानंतर हळूहळू मालिकेच्या कथेमध्ये ट्विस्ट येत गेला. अशातच काही दिवसांपूर्वी मालिकेतील गंगा या पात्राची एक्झिट झाल्याचं पाहायला मिळालं.
गंगाच्या एक्झिटच्या सीनवेळी खोटा गोपाळ तिला संपवतो. एक ट्रॅक्टर त्या गंगाच्या अंगावरुन घालून तिला तो चिरडून टाकतो. त्यानंतर गंगा आणि तिच्या आजू-बाजूला रक्ताच्या धारा लागलेल्या पाहायला मिळतात, मालिकेतील हा सीन पाहून अनेकांच्या अंगावर काटा उभा राहतो. हा सीन करताना पोटात गोळा आला होता, दडपण आलेलं असं गंगा म्हणजेच अभिनेत्री एकता डांगरने पोस्टद्वारे म्हटलं. तर गोपाळनेही हा सीन शूट करताना सलग तीन दिवस रात्रीचे आणि भरपावसात शूटिंग केले.
गोपाळ म्हणेजच अभिनेता किरण गायकवाडनेही त्याच्या इंस्टाग्राम अकाउंटवर या भयानक सीनदरम्यानचे फोटो शेअर केले आहेत. एकताने शेअर केलेल्या व्हिडीओमध्ये ती गंगा म्हणून शेवटचा संवाद साधताना दिसते. यावेळी ती गोपाळचा उल्लेख करत म्हणते, “तो ट्रॅक्टर पुन्हा रिव्हर्स घेतो आणि ट्रॅक्टर तिच्यावरुन नेऊन तिला चिरडतो. ती आता त्याच्यासमोर रक्ताची उलटी करते. तिच्यामध्ये अजूनही जीव आहे आणि तिच्यासमोर तिला गोपाळ दिसतो. त्याच्याबरोबरचं संसाराचं स्वप्न, त्याच्याबरोबर पळून जाण्यासाठी केलेले प्रयत्न तिला आठवतात. तिचा जीव अजूनही गेलेला नाही. तो तिच्यावरून ट्रॅक्टर नेतो आणि मग गंगा जीव सोडते”.
आणखी वाचा – “नोरा फतेहीसारखी फिगर हवी”, नवऱ्याच्या मागणीने पत्नी त्रस्त, दिवस-रात्र जिमला पाठवायचा, उपाशी ठेवायचा आणि…
एकता व्हिडीओच्या शेवटी म्हणते, “मला अभिमान आहे. गंगा मालिकेत जरी तुझा शेवट होत असला तरी प्रेक्षकांच्या मनात तू कायम असशील”.एकता डांगर हिनं गेले अनेक दिवस या मालिकेत गंगाचं पात्र साकारत प्रेक्षकांची पसंती मिळवली. आता तिच्या पात्राचा शेवट होणार असल्याचं पाहायला मिळतं आहे. यानंतर आता मालिकेत अजून काय घडणार हे येणाऱ्या भागातच समजेल.
