man misbehaved with priya bapat : बॉलिवूड सिनेविश्वात अशी बरीच कलाकार मंडळी आहेत ज्यांनी त्यांच्याबरोबर घडलेल्या वाईट प्रसंगांबाबत भाष्य केलं आहे. कलाकार म्हटलं की त्यांना अनेकदा कास्टिंग काऊचचा अनुभवही आलेला आहे. तर यानंतर अनेक मराठी अभिनेत्रींनीही त्यांच्याबरोबर घडलेल्या वाईट प्रसंगाबाबत भाष्य करायला सुरुवात केली. अशातच मराठी चित्रपटसृष्टीतील एका लोकप्रिय अभिनेत्रीने तिच्याबरोबर घडलेल्या एका वाईट प्रसंगाबाबत नुकत्याच दिलेल्या मुलाखतीत भाष्य केलं आहे. ही अभिनेत्री म्हणजे प्रिया बापट. प्रियाने आजवर अनेक मराठी मालिका, चित्रपट यांमध्ये महत्त्वपूर्ण भूमिका साकारत रसिकांच्या मनावर राज्य केलं. सोशल मीडियावर प्रिया बऱ्यापैकी सक्रिय असते. इतकंच नाहीतर सध्या प्रिया रंगमंचाकडे वळलेली पाहायला मिळतेय.
अर्थात प्रियाने सांगितलेला हा वाईट किस्सा वर्षभरापूर्वीचा आहे. मात्र अभिनेत्रीची ही मुलाखत सध्या ट्रेंडिंगमध्ये आल्याचं पाहायला मिळत आहे. प्रियाने वर्षभरापूर्वी ‘हॉटरफ्लाय’ला मुलाखत दिली होती. या मुलाखतीमध्ये प्रियाची एका व्यक्तीने तिची छेड काढल्याचा प्रसंग सांगितला आहे. अभिनेत्री म्हणाली, “ही घटना २०१०ची आहे. मुंबईतील दादरमधील घटना आहे. माझ्या घराच्या समोरच्या गल्लीतील घटना आहे. मी शुटिंगवरून येत होते आणि मी फोनवर माझ्या मैत्रिणीसोबत गप्पा मारत होते. फोन कानाला लावून मी हातातून सामान घेऊन जात होती”.
आणखी वाचा – “माझ्यावर घाणरेडे विनोद करुन प्रसिद्धी मिळवली”, अभिनेत्रीचा कपिल शर्माला टोला, म्हणाली, “त्याचं वाईट…”
अभिनेत्री पुढे म्हणाली, “एक माणूस समोरुन आला, त्याने माझ्या स्तनांना पकडलं आणि तो निघून गेला. मला कळेचना काय झालं. ते सगळं समजून घ्यायला मला तीन सेकेंड लागले. मी फक्त उभी होते आणि मला कळलंच नाही काय झालं. मी मागे पाहिलं तर तो कुठेच दिसला नाही. तो तिथून लगेच एका क्षणार्धात निघून गेला. मी घरी गेले तेव्हा माझी आई नव्हती घरी. माझे बाबा घरी होते. मी ढसाढसा रडायला लागले, मला बाबांनी विचारलं काय झालं? मी त्यांना घडलेला प्रकार सांगितला”.
प्रिया पुढे म्हणाली, “एक पुरुष म्हणून त्यांना लाज वाटली आणि काय करावं हे त्यांना समजत नव्हतं. पण, तेव्हा मी ठरवलं जर कोण माझ्या वाट्याला आलं आणि वाकड्या नजरेनं पाहिलं तर त्याला सोडायचं नाही. तेव्हाच राग अजूनही माझ्या मनात आहे”. प्रियाच्या कामाबद्दल बोलायचे झाले तर, ती तिचा पती उमेश कामतसह ‘बिन लग्नाची गोष्ट’ या चित्रपटातून मोठ्या पडद्यावर झळकणार आहे.
