Bigg Boss Marathi Updates : ‘बिग बॉस’ मराठी सिझन सहा चांगलाच चर्चेत आला आहे. या सिझनमधील सदस्यांमध्ये खूपच वादविवाद होताना दिसत आहेत. आणि त्याचसोबत या सिझनने प्रेक्षकांचं विशेष लक्ष वेधून घेतलं आहे. ‘बिग बॉस’ मराठी सीझन ६ च्या आजच्या भागात प्रेक्षकांना मोठा ड्रामा पाहायला मिळणार आहे. कलर्स मराठी वाहिनीने शेअर केलेल्या नव्या प्रोमोमध्ये अनुश्री माने आणि प्राजक्ता शुक्रे यांच्यात जोरदार शाब्दिक वाद रंगताना दिसत आहे. हा प्रोमो समोर आल्यानंतर चाहत्यांमध्ये आजचा भाग पाहण्याची उत्सुकता अधिकच वाढली आहे.
प्रोमोच्या सुरुवातीला अनुश्री माने प्राजक्तावर निशाणा साधताना म्हणते, “प्राजक्ताला असं वाटतं की इथल्या काही मुलींचा काहीच क्लास नाही.” यावर प्राजक्ता संतप्त होत उत्तर देते, “कारण तुला शिव्यांची सवय आहे, मला नाही.” यानंतर अनुश्री पुन्हा प्राजक्तावर टीका करत म्हणते, “तो तुझा पॉइंट ऑफ व्ह्यू आणि तुझी मानसिकता आहे. तुला हा गेम कळतच नाही आहे.”अनुश्रीच्या या वक्तव्यावर प्राजक्ता शांत पण ठाम शब्दांत प्रत्युत्तर देते, “मी शिकतेय, पण तुझ्यासारखी वाईट होत चाललेली नाहीये.” दोघींमधील हा वाद पाहून घरातील वातावरण चांगलंच तापलेलं दिसत आहे. दरम्यान, या प्रोमोवर नेटकऱ्यांनी मोठ्या प्रमाणात प्रतिक्रिया दिल्या आहेत. काही प्रेक्षकांनी अनुश्रीची बाजू घेतली आहे, तर काहींच्या मते या वादात प्राजक्ता अनुश्रीवर भारी पडली आहे. अनुश्री आणि प्राजक्ताची ही ‘कॅट फाइट’ सध्या सोशल मीडियावर चर्चेचा विषय ठरत आहे.
आणखी वाचा – न्यायालयानं समीर वानखेडेंची याचिका फेटाळली; आर्यन खानविरोधात केला होता मानहानीचा दावा, नेमकं प्रकरण काय?
