Aakansha Chamola On Casting Couch : टीव्ही इंडस्ट्रीत काम करताना पडद्यामागे नेमकं काय घडतं?, याबद्दल अभिनेत्री आकांक्षा चामोला हिने नुकतंच स्पष्टपणे मत व्यक्त केलं आहे. सध्या तिची ‘दिल धोखा और डिझायर’ ही वेब सिरीज प्रदर्शित झाली आहे. त्यातील तिच्या बोल्ड भूमिकेमुळे ती चर्चेत आहे. या निमित्ताने दिलेल्या एका मुलाखतीत तिने इंडस्ट्रीमधील कास्टिंग काउचसारख्या विषयावर भाष्य केलं. ‘बिग बॉस’ १९ चे विजेते गौरव खन्ना यांची पत्नी म्हणूनही आकांक्षा ओळखली जाते. मात्र, तिने स्वतःच्या अनुभवांबद्दल बोलताना स्पष्ट केलं की, “कास्टिंग काउच हा शब्द जरी थेट वापरला गेला नाही, तरी तो मुद्दा अनेकदा समोर येतो. काही वेळा गोष्टी अगदी उघडपणे सांगितल्या जातात.”
‘हॉटरफ्लाय’ला दिलेल्या मुलाखतीत आकांक्षाच्या मते, टीव्ही इंडस्ट्री तुलनेने सुरक्षित वाटते. पण जर एखाद्याला वेगळ्या आणि मोठ्या संधींचा शोध घ्यायचा असेल, तर परिस्थिती अधिक गुंतागुंतीची होते. “जर तुमच्या पाठीशी प्रभावशाली व्यक्ती नसेल, तर प्रवास अधिक कठीण होतो,” असं ती म्हणाली. मिटिंगदरम्यान घडलेल्या काही अनुभवांबद्दल सांगताना आकांक्षाने नमूद केलं की, काही वेळा ऑडिशनऐवजी कराराच्या अटींचा उल्लेख करून दबाव टाकला जातो. “जर तुम्ही ठराविक व्यक्तीच्या जवळ गेलात, तर तुम्हाला भूमिका मिळू शकते,” असं स्पष्ट शब्दांत सांगितल्याचा अनुभव तिने शेअर केला.
आणखी वाचा – साऊथ सुपरस्टारचा २७ वर्षांचा संसार मोडला, दुसऱ्या अभिनेत्रीबरोबर अफेअर म्हणत पत्नीचे गंभीर आरोप
तिच्या मते, हे प्रकार फार सहजपणे घडतात आणि आजही घडत आहेत. या सगळ्या अनुभवांनंतर इंडस्ट्रीकडे पाहण्याचा तिचा दृष्टिकोन बदलल्याचंही ती म्हणाली. दोन वेळा अशा परिस्थितीला सामोरं गेल्यानंतर तिला या गोष्टी किती उघडपणे घडतात याची जाणीव झाली. कामाबद्दल बोलायचं झालं तर आकांक्षाने ‘भूतू’ आणि ‘स्वरागिनी’ यांसारख्या लोकप्रिय मालिकांमध्ये भूमिका साकारल्या आहेत. आता नव्या वेब सिरीजमुळे ती पुन्हा एकदा चर्चेत आली आहे, तिच्या या वक्तव्यामुळे इंडस्ट्रीतील पडद्यामागील वास्तवावर चर्चा सुरू झाली आहे.
आणखी वाचा – Video : लग्नानंतर पहिल्यादांच कॅमेरासमोर आलं नवविवाहित जोडपं, रश्मिका-विजयच्या चेहऱ्यावरील ग्लोची चर्चा
