होळी सण म्हटलं की, मजा-मस्ती, धमाल, रंगांची उधळण असं संपूर्ण चित्र डोळ्यासमोर उभं राहतं. त्याचबरोबरीने होळीच्या रंगात न्हाऊन निघालेली गाणीही आपसुकच कानी पडतात. देशभरात तर होळी पूर्वीची तयारी सुरु झाली आहे. तर सेलिब्रिटी मंडळीही होळीसाठी सज्ज होत आहेत. अशातच आता होळीच्या ऐन मुहूर्तावर मराठीमध्ये एक धमाकेदार गाणं प्रेक्षकांच्या भेटीला येणार आहे. ‘तू माझी पुरणपोळी रे’ असं या गाण्याचं नाव आहे. या गाण्यामध्ये नक्की कोणते कलाकार दिसणार? याबाबत सोशल मीडियावरही बरीच चर्चा रंगली. आता अखेरीस गाण्यामधील कलाकारांचे चेहरे समोर आले आहेत.
नुकतंच ‘तू माझी पुरणपोळी रे’ गाण्याचं पोस्टर प्रदर्शित करण्यात आलं आहे. या पोस्टरद्वारे गाण्यातील कलाकारांचे चेहरे समोर आले आहेत. मराठीतील नवविवाहित जोडपं सौरभ चौघुले व योगिता चव्हाण गाण्यात धमाल करताना दिसतील. पोस्टरद्वारे त्यांचा भन्नाट लूक समोर आला आहे. योगिताचा लूक अगदी खुलून दिसत आहे. तर सौरभही डान्स करण्यात मग्न आहे. लग्नानंतर त्यांचा हा पहिलाच एकत्रित प्रोजेक्ट असणार आहे. शिवाय या दोघांची जोडीही प्रेक्षकांच्या विशेष पसंतीस पडत आहे.
आणखी वाचा – नवरा-बायकोची जबरदस्त जुगलबंदी रंगणार, रोहित-जुईलीच्या आवाजातील ‘तू माझी पुरणपोळी रे’ गाणं लवकरच येणार
विशेष म्हणजे रोहित राऊत व जुईली जोगळेकरने या गाण्याला आवाज दिला आहे. म्हणजेच गाण्यासाठी आवाज दिलेले गायकही खऱ्या आयुष्यातील एकमेकांचे साथी आहेत. रोहित व जुईलीने अगदी उत्साहाने हे नवं कोरं होळीचं गाणं गायलं आहे. काही दिवसांपूर्वीच रोहित-जुईलीने त्यांच्या सोशल मीडियाद्वारे एक खास पोस्ट शेअर करत त्यांच्या आगामी नवीन गाण्याबद्दल सांगितलं होतं. दोघांनीही त्यांच्या इन्स्टाग्राम अकाऊंटद्वारे त्यांच्या आगामी गाण्याच्या रेकॉर्डिंगदरम्यानचे खास फोटो पोस्ट केले होते. तेव्हापासून त्यांच्या अनेक चाहत्यांना या नवीन गाण्याविषयी उत्सुकता होती.
मीडिया वन सोल्यूशन्स प्रस्तुत व इट्स मज्जा ओरिजिनल हे होळीनिमित्त प्रेक्षकांसाठी खास गाणं घेऊन येणार आहेत. २१ मार्चला हे गाणं रसिक श्रोत्यांच्या भेटीला येणार असून या गाण्याविषयी चाहत्यांमध्येही चांगलीच उत्सुकता पाहायला मिळत आहे. आता सौरभ व योगिताच्या होळी गाण्याचा धमाल प्रतिसाद मिळणार एवढं नक्की.
