‘ये रिश्ता क्या कहलाता है’मधील हिना खान ही अक्षराच्या भूमिकेसाठी प्रसिद्ध आहे. या मालिकेतील भूमिकेने हिनाने प्रेक्षकांच्या मनात घर केलं. सोशल मीडियावरही हिना बऱ्यापैकी सक्रिय असते. अशातच सोशल मीडियावरुन पोस्ट केलेल्या अभिनेत्रीच्या एका पोस्टने साऱ्यांचं लक्ष वेधून घेतलं आहे. अभिनेत्रीने तिच्या तब्येतीबाबतची चिंता सोशल मीडियावर शेअर केली आहे. रमझानच्या पवित्र महिन्यात उपवास करणाऱ्या हिनाने हातात खजूर धरत केलेली पोस्ट चांगलीच चर्चेत आली आहे. (Hina Khan On Roza)
हिनाने पोस्टद्वारे असं सांगितलं की, तिला गॅस्ट्रोएसोफेजल रिफ्लक्स रोग (GRAD) आहे, जो त्यांना रमझान दरम्यान होतो. या चिंतेवर मात करण्यासाठी तिने तिच्या मित्रपरिवाराला सल्ला देण्यास सांगितला आहे. हिना खानने स्वत:च्या हाताच्या तळहातावर खजूर धरलेले एक छायाचित्र पोस्ट केले आहे आणि तिच्या चाहत्यांना सांगितले की ती जीईआरडी या गंभीर आजाराने ग्रस्त आहे. हा फोटो शेअर करताना हिना खानने तिच्या चाहत्यांना या आजारावर मात करण्यासाठी घरगुती उपाय सुचवण्याची विनंती केली आहे.
फोटोच्या कॅप्शनमध्ये असे लिहिले आहे की, “मला गंभीर गॅस्ट्रोएसोफेजल रिफ्लक्स डिसीज (GERD) आहे आणि दुर्दैवाने मी उपवास केल्यास रमजानमध्ये तो आणखी तीव्र होतो. आई म्हणते याला अजवा म्हणजेच खजूर मदत करु शकत. तुम्ही यावर काही घरगुती उपाय सुचवू शकता का? कृपया मला कमेंट करा वा मला मॅसेज करुन सांगा.
हिनाने तिच्या सोशल मीडिया स्टोरीमध्ये तिच्या आईने सुचवलेला सल्ला शेअर केला आहे. अभिनेत्री म्हणाली, “मम्मा म्हणाली की, काहीही खाण्यापूर्वी रिकाम्या पोटी एक खजूर खा त्यामुळे ॲसिडिटी होणार नाही”. अभिनेत्रीने तिच्या मित्र परिवाराला व चाहत्यांनाही सल्ला देण्यास सांगितला आहे. पोस्ट शेअर करत ती म्हणाली, “मला घाई नाही पण माझ्या मॅसेज बॉक्समध्ये सर्व काही पाहणे मला शक्य नाही. तुम्ही सर्व माझ्यावर खूप प्रेम करता. मी याबद्दल पोस्ट किंवा ट्विट करेन”.
