Bigg Boss Marathi Update : ‘बिग बॉस मराठी’ सीझन ६ च्या घरात पहिल्याच आठवड्यात प्रचंड तणाव निर्माण झाला आहे. बुधवारी पार पडलेल्या नॉमिनेशन टास्कनंतर आता गुरुवारच्या एपिसोडमध्ये पहिला कॅप्टन्सी टास्क खेळवण्यात येणार असून, त्यासाठी ‘BB फार्म’ नावाचा खास टास्क ठेवण्यात आला आहे. या कॅप्टन्सी टास्कचं नाव ‘कार्य कॅप्टन्सीचे, झुंज समर्थकांची’ असं असून, याच टास्कमधून ‘बिग बॉस’ मराठी ६ चा पहिला कॅप्टन ठरणार आहे. नॉमिनेशन टास्कदरम्यान बिग बॉसने आणलेल्या एका अनपेक्षित ट्विस्टमुळे पॉवर की असूनही शॉर्टकट दरवाजाने घरात आलेले तीन सदस्य थेट नॉमिनेट झाले. तर तन्वी, सोनाली आणि प्राजक्ता या तिघी जणी कॅप्टन्सीच्या शर्यतीत पुढे आल्या आहेत.
या तिघींपैकी पहिला कॅप्टन ठरवण्यासाठी ‘BB फार्म’ हा टास्क खेळवण्यात येणार आहे. या टास्कमध्ये घरातील इतर सदस्य त्यांच्या समर्थकांच्या मदतीने हा टास्क पार पडणार आहे. ज्या सदस्यांचा ज्या कॅप्टन दावेदाराला पाठिंबा आहे, ते त्या दावेदारासाठी फार्ममधील वस्तू गोळा करताना दिसणार आहेत. दरम्यान, कलर्स मराठीने शेअर केलेल्या ‘BB फार्म’ कॅप्टन्सी टास्कच्या पहिल्या प्रोमोने प्रेक्षकांचं लक्ष वेधून घेतलं आहे. या प्रोमोमध्ये विशाल कोटियन आणि ओमकार राऊत यांच्यात जोरदार वाद होताना दिसत आहे. टास्कदरम्यान ओमकारच्या हातातील वस्तू घेण्यासाठी विशाल त्याला अडवतो आणि याच क्षणी दोघांमधील वाद होतो. (Bigg Boss Marathi Update)
प्रोमोमध्ये विशालने गळा पकडल्याचा आरोप करत ओमकार जोरात ओरडताना दिसतो. “गळा सोड ना यार, गळा सोड… माझा गळा का दाबतोयस?” असं म्हणत तो संताप व्यक्त करतो. कसाबसा स्वतःची सुटका करून घेतल्यानंतर दोघांमध्ये जोरदार शाब्दिक वाद होतो. ओमकार अधिक भडकताना दिसतो, तेव्हा आयुष संजीव आणि दिव्या शिंदे दोघांमध्ये उभे राहून परिस्थिती हाताबाहेर जाऊ नये यासाठी प्रयत्न करतात. “तू आधीच गळा दाबलेला होता,” असं ओमकार विशालला म्हणतो. त्यावर विशाल,“तू मारणार का?” असा सवाल करतो. या साऱ्या प्रकारामुळे ‘बिग बॉस मराठी ६’च्या घरात पहिल्याच कॅप्टन्सी टास्कदरम्यान मोठा वाद रंगणार असल्याचं स्पष्ट झालं आहे. आता या वादाचा खेळावर आणि कॅप्टन्सीच्या निकालावर नेमका काय परिणाम होणार?, हे पाहणं उत्सुकतेचं ठरणार आहे. (Bigg Boss Marathi Update)
