कलाकार मंडळींच्या खासगी आयुष्याबाबद्दल जाणून घ्यायला चाहत्यांना विशेष आवडत. त्यांचा खरा जोडीदार कोण, त्यांच्या कुटुंबातील सदस्य कोण आहेत याबद्दल विशेष जाणून घेणं चाहत्यांना आवडत. कलाकारांच्या प्रेमकहाणी जाणून घ्यायला चाहत्यांना कायमच आवडत. अशातच लोकप्रिय अभिनेत्री विशाखा सुभेदार हिच्या लव्हस्टोरीची कथा समोर आली आहे. इट्स मज्जाला दिलेल्या मुलाखतीत अभिनेत्री विशाखा सुभेदर हिने तिच्या प्रेमकहाणीबाबत भाष्य केलं आहे. (Vishakha Subhedar Lovestory)
विशाखाला तिच्या लव्हस्टोरीबाबत विचारण्यात आलं. तेव्हा ती म्हणाली, “माझ्या नवऱ्याला मी आधी दादा म्हणायचे. त्यामुळे आमची जेव्हा ओळख झाली तेव्हा तो महेश दादा होता. त्यामुळे खरं तर आमच्याबाबतीत दादाबाई नवरोजी झालं आहे. एका नाटकादरम्यान आमची भेट झाली. ‘काकस्पर्श’ असं त्या नाटकाचं नाव होतं. सहाय्यक दिग्दर्शक म्हणून तो या नाटकाचं काम पाहत होता. तेव्हा तोच मला बोलला की मला दादा म्हणू नको. त्यादरम्यान मी अगदी लहान होते. तो असं का म्हणतो? हे मला कळंतच नव्हतं.”
यापुढे बोलताना विशाखा म्हणाली, “सतत काळजी घेणारा, प्रेम करणारा व्यक्ती स्त्रियांना हवा असतो. आताच्या मुली मानसिकरित्या सक्षम आहेत. पण आमची पिढी अगदी मुर्ख होती. आम्हाला काहीही कळायचं नाही. आम्ही फक्त प्रेमाच्या नादात होतो. त्यावेळी असा मी काही वेगळा विचार केला नाही. तो आवडला, त्याने मला विचारलं आणि मी लग्न करण्यास होकार दिला. आमचं लग्नही झालं. पण आमच्या लग्नाचा आई-वडिलांकडून खूप नकार होता. कारण माझ्या आई-वडिलांना मी नाटकामध्ये काम करणंही आवडत नव्हतं. तर माझ्या आजीने त्यांची समजूत काढली. तिच्या इंडस्ट्रीमध्ये तिला पाठिंबा देणारा मुलगा तिला आवडला आहे तर विचार करा. कारण त्याकाळी या इंडस्ट्रीमध्ये काम करणाऱ्या मुलीला पाठिंबा मिळेल की नाही? याचा विश्वास नव्हता.”
“आजीने समजवल्यानंतर बाबांनी लग्नाला परवानगी दिली. पण माझ्या आजी-आजोबांची एक अट होती की, आम्ही आमच्या मुलीचं लग्न करुन देत आहोत पण ती टीव्हीमध्ये दिसली पाहिजे. पण माझ्या नवऱ्यानेही आजी-आजोबांना दिलेला शब्द पूर्ण केला. मात्र घरी माझ्या नात्याबाबत कळताच आई पंधरा दिवस बोलत नव्हती. मग घरी मला कोंडूनही ठेवलं. चाळीशी गाठल्यानंतर कळतं की, तेव्हा आपण किती बालिश होतो. २० ते २१व्या वर्षामध्येच लग्न झालं”.