सध्या सर्वत्र चर्चा सुरु आहे ती म्हणजे क्रिकेट विश्वातील सर्वात रोमांचकारी क्रिकेट लीग म्हणजेच IPLची. क्रिकेटच्या सर्वात जास्त पाहिल्या जाणाऱ्या क्रिकेट फॉरमॅटमध्ये IPLचा समावेश होतो. मुंबई इंडियन्स, रॉयल चॅलेंजर्स बॅंगलोर, चेन्नई सुपर किंग्स यांच्यासह आणखी काही संघ या स्पर्धेत सहभागी होतात. क्रिकेट विश्वातील एक प्रसिद्ध चेहरा म्हणजे विराट कोहली. रॉयल चॅलेंजर्स बॅंगलोर या संघातील महत्वाचा आणि लाखोंचा चाहतावर्ग असणारा विराट आता पुन्हा एकदा चर्चेत आला आहे. नुकतीच रॉयल चॅलेंजर्स बॅंगलोर व किंग्ज इलेव्हन पंजाब या दोन संघांमध्ये अटीतटीचा सामना पाहायला मिळाला. या सामन्यात विराटने अर्धशतक झळकावत संघाला विजय मिळवून दिला. (Virat Kohli Viral Video Call With Anushka)
संघाला दमदार विजय मिळवून दिल्यानंतर मैदानातील विराटचा एक व्हिडीओ चांगलाच व्हायरल होतोय. या व्हिडीओमध्ये विराट आपल्या कुटुंबासह व्हिडीओ कॉलद्वारे बोलताना दिसतोय. या पूर्वीही एका सामन्यानंतर विराट-अनुष्का यांच्यातील संभाषण व्हायरल झालं होतं. काही दिवसांपूर्वीच विराट-अनुष्काच्या घरी लहानग्या पाहुण्याचं आगमन झालं. विराट-अनुष्काने आपल्या मुलाचं अकाय असं नामकरण देखील केलं. व्हायरल होणाऱ्या या व्हिडीओमध्ये विराट अकायला पाहून आनंदीत झाल्याचं दिसतंय. सोशल मीडियावर विराट- अकायमधील हे प्रेमळ संभाषण चांगलंच व्हायरल होतंय.
अकायसह विराट-अनुष्काला एक मुलगी देखील आहे. तिच्याबरोबरचे फोटोज, व्हिडीओज विराट-अनुष्का सोशल मिडियावर नेहमी शेअर करताना दिसतात. बॅंगलोर-पंजाब या संघांमध्ये रंगलेली ही मॅच चर्चेत राहिली ती म्हणजे विराटच्या ७७ रणांच्या दमदार खेळीमुळे. येणाऱ्या आगामी सामन्यांमध्ये विराट आणखी दमदार खेळी करणार का हे पाहण्यासाठी प्रेक्षक चांगलेच उत्सुक दिसत आहेत. (Virat Kohli Viral Video Call With Anushka)
तत्पूर्वी प्रेक्षकांमध्ये बॅंगलोर-चेन्नई या मॅचची उत्सुकता शिगेला पोहचलेली दिसते. धोनी-विराट मैदानावर आमने सामने आल्यावर मॅचमध्ये काय नवीन रंगत येणार याची वाट प्रत्येक क्रिकेटप्रेमी पाहताना दिसतो. विराटसह आणखी एका क्रिकेटरची चर्चा रंगलीये ती म्हणजे मुंबई इंडियन्स संघाचा माजी कर्णधार रोहित शर्माची. रोहितला कर्णधार पदावरून हकलल्या नंतर हार्दिक पांड्याला बऱ्याच प्रमाणात ट्रॉलिंगचं सामना करावा लागतोय .
