Vicky-Katrina Announce Baby Boy Name: बॉलिवूडमधील सुप्रसिद्ध अभिजित विकी कौशल व अभिनेत्री कतरीना कैफ ७ नोव्हेंबर २०२५ रोजी आई-बाबा झाले. तसेच त्यांना पुत्ररत्न प्राप्त झालं. अशातच आता कतरिना आणि विकी यांनी त्यांच्या मुलाचं नाव जाहीर केलं आहे. सोशल मीडियावर पोस्ट शेअर करत दोघांनी लेकाचं नाव जाहीर केलं. एक गोंडस फोटो देखील शेअर केला आहे, ज्यामध्ये कतरिना आणि विकीने त्यांच्या मुलाचा हात धरलेला दिसत आहेत.
कतरिना कैफ आणि विकी कौशल यांनी सोशल मीडियावर पोस्ट शेअर करत लिहिलं, ‘आमचा आशेचा किरण. विहान कौशल. आमच्या प्रार्थनेचं उत्तर. आयुष्य खूप सुंदर आहे. तुझ्यामुळे आमचं जग बदललं आहे. खूप आभारी आहोत.’ विहानच्या नावाचा अर्थ सकाळ, एक नवीन सुरुवात असा आहे. दरम्यान विहान हा एक मूळ संस्कृत शब्द आहे. विहानचा अर्थ सूर्योदय आणि नवीन आशेचं किरण असा होतो. (Vicky-Katrina Announce Baby Boy Name)
दरम्यान चाहते आणि सेलिब्रिटी कतरिना कैफ आणि विकी कौशलच्या पोस्टवर कमेंट्स करत शुभेच्छा देत आहेत. तर विक्की आणि कतरिना यांना ७ नोव्हेंबर २०२५ रोजी मुलगा झाला. कतरिनाच्या प्रेग्नंसीची बातमी अनेक महिने त्यांनी सीक्रेट ठेवली होती. अखेर प्रेग्नंसीच्या शेवटच्या महिन्यात त्यांनी ती बातमी चाहत्यांना दिली. विक्की-कतरिनाच्या बाळाचं नाव तर त्यांनी सांगितलं आता विहान कौशल दिसतो कसा याकडे सर्वांचं आहे. विक्की – कतरिना बाळाचा चेहरा चाहत्यांना कधी दाखवणार, विहानला पाहण्यासाठी सगळेच उत्सुक आहेत. (Vicky-Katrina Announce Baby Boy Name)
