Avika Gor And Milind Chandwani Share Good News: बालिका वधू या मालिकेच्या माध्यमातून घराघरांत पोहोचलेली अभिनेत्री अविका गौर हीच मोठा चाहतावर्ग आहे. तिने बालिका वधू या मालिकेत साकारलेली आनंदीची भूमिका माझे प्रेक्षकांच्या लक्षात आहे. दरम्यान अविकाने काही महिन्यांपूर्वीच तिचा बॉयफ्रेंड मिलिंद चांदवानीशी लग्न केलं. लग्नाच्या ३ महिन्यानंतर आता अभिनेत्री गुड न्युज देणार आहे. अविकाने स्वतःच याबद्दल सांगितल्याने आता सोशल मीडियावर चर्चा रंगली आहे. अविका नेहमीच तिच्या पतीसह व्लॉग बनवताना दिसते. अशातच तिने नुकत्याच एका नव्या व्लॉगमध्ये २०२६ मध्ये तिच्या आयुष्यात एक मोठा बदल होणार आहे, असं सांगितलं. तर यावरून ती गरोदर असल्याच्या चर्चेला उधाण आलं आहे.
आणखी वाचा: विकी-कतरिनाने जाहीर केलं लेकाचं नाव; वडिलांच्या ‘या’ चित्रपटाशी खास कनेक्शन, फोटो समोर
अविका गौरचा पती मिलिंद चांदवानी म्हणाला, “हा असा बदल आहे ज्याची आम्ही कधीही कल्पना केली नव्हती किंवा त्याबद्दल कोणताही प्लॅन केला नव्हता. खरं तर, आम्ही त्याबद्दल स्वप्नातही विचार केला नव्हता. हा एक मोठा आणि अद्भुत बदल आहे.” तर २०२६ मध्ये दोघांच्याही नेमका काय बदल होणारे याबद्दल अद्याप दोघांनी काहीच माहिती दिलेली नाही. पण अभिनेत्रीचे चाहते ती गरोदर असल्याचा अंदाज लावत आहेत. तर अविका लवकरच याबद्दल अधिकृत माहिती देणार असं तिने या व्हिडिओमधून सांगितलं आहे. (Avika Gor And Milind Chandwani Share Good News)
अविका गौर आणि मिलिंद चंदवानी हे ‘पती पत्नी और पंगा’ या शोमध्ये सहभागी झाले होते. या शोच्या सेटवर 30 सप्टेंबर २०२५ रोजी विवाहबंधनात अडकले. अविका गौरचा पती मिलिंद चंदवानी ‘कॅम्प डायरीज’ या एनजीओचा बेंगळुरू येथील संस्थापक आहे. त्याने ‘एमटीव्ही रोडीज रिअल हिरोज’मध्येही सहभाग घेतला होता. तर अविका गौर आणि मिलिंद चंदवानी गेल्या 5 वर्षापासून एकमेकांना डेट करत होते. (Avika Gor And Milind Chandwani Share Good News)
