आयुष्यात कितीही टेन्शन्स असो, त्यावर एकच उपाय असतो तो म्हणजे मनसोक्त हसण्याचा. आणि हेच काम करत आहे ते छोट्या पडद्यावरील लोकप्रिय शो ‘महाराष्ट्राची हास्यजत्रा’. गेली अनेक वर्ष हास्यजत्रा प्रेक्षकांना मनमुरादपणे हसवत आहे. याचं कारण, म्हणजे धम्माल विनोदी स्किट्स, कलाकारांचे अचूक टायमिंग, स्किट्सचे अप्रतिम सादरीकरण आणि कलाकार व पडद्यामागील कलाकारांची मेहनत. यांमुळेच आज ‘महाराष्ट्राची हास्यजत्रा’ शोने तमाम प्रेक्षकांच्या मनावर राज्य केलं असून शोमधील कलाकारांचे जगभरात चाहते आहेत. (Maharashtrachi Hasyajatra USA Tour)
सध्या ‘महाराष्ट्राची हास्यजत्रा’ अमेरिकेच्या दौऱ्यावर असून हास्यजत्रेचे अवघे काही शोज उरले आहेत. गेल्या महिन्याभरापासून शोमधील कलाकार तिथल्या प्रेक्षकांचे मनोरंजन करत असून आतापर्यंत झालेले सर्वच शोज हाऊसफुल्ल झालेत. शोला अमेरिकेत मिळालेल्या तुफान प्रतिसादाबद्दल हास्यजत्रेतील कलाकार वनिता खरात हिने प्रेक्षकांचे आभार मानले असून तिने इंस्टाग्राम रील पोस्ट करत आपली भावना व्यक्त केली. (vanita kharat in mhj usa tour)
पाहा काय म्हणाली वनिता खरात (vanita kharat in mhj usa tour)
वनिताने एक रील पोस्ट केला आहे, ज्यात वनिता व हास्यजत्रेतील अन्य कलाकार टोरँटो येथील शोदरम्यान सुरु असलेली तयारी, स्किट्समधील काही क्षण व शोनंतर प्रेक्षकांचा प्रतिसाद दिसत आहे. वनिताने ही रील पोस्ट करताना लिहिलंय, “Toronto तुम्ही खूप प्रेम दिलं! अशा theatre ला परफॉर्म करता येणं, ते ही हाऊसफुल्ल शो ला! एका कलाकाराला या पेक्षा मोठी गोष्ट ती काय! अविस्मरणीय प्रयोग. असे क्षण पुन्हा पुन्हा यावेत हिच रंग देवते चरणी प्रार्थना.
हे शक्य झालं ते फक्त @sonymarathi @amitphalke @5dimensionsent #अजयभाळवणकर @sachin_p_goswami @sachinmote73 Thank you so much sir इथपर्यंत पोहोचवण्यासाठी ❤️’ असं म्हणत वनिताने दिग्दर्शक, अन्य टीम व प्रेक्षकांचे आभार मानले. तिच्या या पोस्टवर शोचे दिग्दर्शक सचिन गोस्वामी यांनी कमेंट करत म्हटलंय, “Proud of you team MHJ”. तर शोमधील अन्य कलाकारांबरोबरच मनोरंजनविश्वातील अनेक कलाकार व चाहत्यांनी तिच्या या पोस्टला भरभरून प्रेम दिलंय. (Maharashtrachi Hasyajatra)
हे देखील वाचा : साखरपुडा उरकताच स्वानंदीने लग्नाबद्दल केला खुलासा
