मराठी मनोरंजन विश्वातील अनेक कलाकार मंडळींनी त्यांच्या अभिनयाच्या आवडीबरोबरच उद्योग क्षेत्रातदेखील आपला ठसा उमटवला आहे. मराठी कलाविश्वातील सुप्रिया पाठारे, निरंजन कुलकर्णी, अभिज्ञा भावे, तेजस्विनी पंडित, प्रार्थना बेहरे, यशोमान आपटे, श्रेया बुगडे, प्राजक्ता माळी, हार्दिक जोशीसारख्या अनेक कलाकारांनी स्वत:चा छोटासा का होईना उद्योग सुरु केला आहे. यात आता आणखी एका कलाकार जोडप्याची भर पडली आहे ते म्हणजे तुषार देवल व स्वाती देवल.
‘चला हवा येऊ द्या’ या शोचा संगीत दिग्दर्शक आणि अभिनेत्री स्वाती देवलचा या पती-पत्नींनी तुषार देवल यांनी नुकताच उद्योग क्षेत्रात प्रवेश केला आहे. काही दिवसांपूर्वी तुषारने स्वातीसह एक मिसळ स्टॉल सुरू केले आहे. या मिसळ स्टॉलचे फोटो व व्हिडीओ सोशल मीडियावर व्हायरल झाले होते. अशातच आता यांच्या स्टॉलचे हॉटेलमध्ये रूपांतर झाले आहे आणि याच हॉटेलच्या उद्घाटनानिमित्त देवल जोडप्याने ‘इट्स मज्जा’बरोबर खास संवाद साधला. यावेळी त्यांच्या नवीन हॉटेलनिमित्त आपल्या भावना व्यक्त केल्या.
यावेळी स्वातीने असं म्हटलं की, “कोणतीही गोष्ट सुरु करण्यासाठी एक प्रेरणा हवी असते किंवा त्याची सुरुवात होणे आवश्य असते. त्याचबरोबर त्यासाठी आयुष्यात काहीतरी वेगळी घटना घडावी लागते. अशातच ‘चला हवा येऊ द्या’ शोने मधल्या काळात ब्रेक घेतला होता. त्यामुळे तुषारला वेळ होता आणि या वेळेत त्याने घरी बसून हॉटेल सुरु करण्याचा विचार सुरु केला. त्याच्या डोक्यात हॉटेल सूर करण्यासाठीच्या नवीन योजना येऊ लागल्या आणि मग त्या दिशेने प्रवास सुरु झाला”
आणखी वाचा – ‘तुझेच मी गीत गात आहे’ मालिकेच्या सेटवर मराठी कलाकारांची इफ्तार पार्टी, फोटो सोशल मीडियावर व्हायरल
यापुढे तुषारने असं म्हटलं की, “कलाकार म्हणून तुम्ही कधीच स्वस्थ बसू शकत नाही. आपली नेहमीच काहीना काही धडपड ही चालूच असते. कामानिमित्त आपला स्ट्रगल हा चालूच असतो पणं याकाळात नुसतं घरी बसूनदेखील चैन पडत नाही. त्यामुळे त्या काळात हॉटेल सुरु करण्याचा विचार केला. मग त्यासाठीची धावपळ सुरु केली. मग हॉटेल सुरु करण्यासाठी जाणकरांकडून सूचना व माहिती घेतली. हॉटेल म्हटलं की मोठी गुंतवणूक आली आणि त्यासाठी तुम्हाला त्यासाठी डेडिकेशनही तितकंच लागतं”
दरम्यान, मुंबईतील बोरीवलीमध्ये ही ‘देवल मिसळ’ सुरु झाली असून ‘लहान ते ज्येष्ठ…देवल मिसळ सर्वांसाठी बेस्ट…!’ अशी टॅगलाईन त्यांनी आपल्या हॉटेलला दिली आहे. देवल मिसळ यांच्या उद्घाटनाच्या कार्यक्रमासाठी केंद्रीय मंत्री पीयूष गोयल, गोपाळ शेट्टी, प्रवीण दरेकर, प्रकाश दरेकर, प्रकाश सुर्वे आदी मान्यवर उपस्थित होते.