झी मराठीवरची ‘तुला शिकवीन चांगलाच धडा’ ही मालिकाही प्रेक्षकांना आवडते आहे. या मालिकेतील अक्षरा आणि अधिपती यांचं नातं प्रेक्षकांना भावतं. आता ही मालिका एका नव्या वळणावर आली आहे. ‘तुला शिकवीन चांगलाच धडा’ मालिकेत अक्षरा आणि अधिपती यांचं नातं बहरताना दिसत आहे. या दोघांमधली मैत्री आता हळूहळू घट्ट होत चालली आहे. काहीच दिवसांआधी अक्षराने आपल्या प्रेमाची कबुली दिली आहे. अधिपतीवर आपलं प्रेम असल्याचं तिने मान्य केलं आहे. त्यामुळे अक्षरा आणि अधिपती या दोघांमधलं नातं आता बहरतं आहे. अशातच या दोघांमध्ये आता भुवनेश्वरी अडथळा आणत आहे.
भुवनेश्वरीने अधिपती-अक्षरा यांना सुर्यवंशी घराण्याच्या रितीनुसार, खऱ्या संसाराला सुरुवात व्हायच्या आधी नवरा-बायकोने अंगावरील कपड्याबरोबर दहा दिवस घराबाहेर राहायचं, सूर्यवंशी घराण्याची ओळख न सांगता सगळ्या अटी पाळून, एकमेकांची साथ न सोडता बाहेरच्या जगात नीट राहू शकले तर त्यांचा संसार सुखाचा होतो असं म्हणून घराबाहेर पडायला भाग पाडले. यानंतर अधिपती व अक्षरा यांनी त्यांच्या नव्या संसारालाही सुरुवात केली आहे. त्यामुळे अधिपती-अक्षरा यांच्या संसारासाठीचा आटापिटा सुरु आहे. पैशांसाठी ते काही ना काही प्रयत्न करत आहेत.
‘तुला शिकवीन चांगलाच धडा’ ही मालिका आता नव्या वळणावर आली आहे. याबद्दलचा एक नवीन प्रोमो समोर आला आहे. यांमध्ये अधिपती जास्त पैसे मिळण्यासाठी काहीतरी काम मिळालं पाहिजे असं बोलत असतानाच त्याला कुस्तीच्या शर्यतीचे पोस्टर दिसते. त्यावर स्पर्धा जिंकणाऱ्याला २५,००० बक्षीस असते. यावेळी आपण कामाबद्दल बोलत असतानाच देवाने मार्ग दाखवला असंही तो म्हणतो. त्यामुळे त्या पैशांसाठी अधिपती कुस्ती लढण्याचा निर्णय घेतो. यावर अक्षरा मात्र त्याला “तुम्हाला कुस्ती खेळायला जमणार आहे का?” असं विचारते.
त्यावर अधिपती कोल्हापूरची माती आहे. मी आखाड्यात उतरणार आणि कुस्ती खेळणार. अंबाबाईचा आशीर्वाद, तुमची साथ आणि डोक्यावर आईसाहेबांचा हात असताना कोणत्या पैलवानाली मी मातीत लोळवेन” त्यानंतर अधिपती या व्हिडीओमध्ये कुस्ती खेळत असल्याचेही पाहायला मिळत आहे. दरम्यान, अधिपती त्यांच्यातील ही केमिस्ट्री सध्या चाहत्यांचे चांगलेच लक्ष वेधून घेत आहे. त्यांनी त्यांच्या नव्या संसाराला सुरुवात केली असून त्यांचा हा नवीन प्रवास चाहत्यांनाही भलताच आवडत आहे. यात ते कितपत यशस्वी होतील? हे पाहण्यासाठी प्रेक्षक उत्सुक आहेत.
