धर्मा प्रॉडक्शनच्या बॅनरअंतर्गत येत्या १९ जुलै रोजी ‘बॅड न्यूज’ नावाचा चित्रपट येत आहे. या चित्रपटात विकी कौशल, तृप्ती डिमरी, एमी विर्क ही कलाकार मंडळी महत्त्वपूर्ण भूमिकेत दिसत आहेत. चित्रपटाचे पोस्टर, टीझर व ट्रेलरनंतर दोन गाणी प्रदर्शित करण्यात आली. चित्रपटातील पहिल्या ‘तौबा तौबा’ या गाण्याने साऱ्यांना विकी कौशलप्रमाणे नाचायला भाग पाडले. तर दुसऱ्या ‘जानम’ या गाण्यालाही प्रेक्षकांनी प्रेम दिलं. यांतील तृप्ती डिमरीचा धमाकेदार परफॉर्मन्स पाहून सगळ्यांनाच घाम फुटला. मात्र सोशल मीडियावर काही नेटकऱ्यांनी तिची मल्लिका शेरावत व राखी सावंत हिच्याशी तुलना करत ट्रोल केलं आहे. (Tripti Dimri Troll)
‘बॅड न्यूज’ चित्रपटाच्या ‘जानम’ या गाण्यातील विकी कौशल व तृप्ती डिमरी यांचा रोमान्स सोशल मीडियावर धुमाकूळ घालत आहे. दोघांची केमिस्ट्री काहींना आवडली तर काहींना ती आवडली नाही. अभिनेत्रीला जी प्रसिद्धी ‘ॲनिमल’ चित्रपटामधून मिळाली, ती आता या सिनेमातील गाण्यांमुळे नष्ट होते की काय असे त्यांना वाटू लागले आहे.
तृप्ती डिमरीच्या गाण्याची क्लिप शेअर करत एका यूजरने लिहिले की, “तृप्ती डिमरीची लेव्हल घसरत चालली आहे. ‘ॲनिमल’नंतर तिची प्रतिमा खराब होत आहे”. तर एका नेटकऱ्याने लिहिले आहे की, “तृप्ती डिमरीची अवस्था पाहता ती मल्लिका शेरावत आणि राखी सावंत बनण्याच्या मार्गावर आहे. प्रत्येक चित्रपटात तिने स्वतःला असेच एक्सपोज करत राहिल्यास ती काही वेळातच मुख्य भूमिकेतून गायब होईल”. तर आणखी एकाने असे म्हटले की, “तृप्ती डिमरीचे बॉलिवूड करिअर लवकरच संपणार आहे. जसे राखी व मल्लिका शेरावतबरोबर घडले होते”.
मल्लिका शेरावत आणि राखी सावंत यांनीही त्यांच्या कारकिर्दीत पुढे जाण्यासाठी असेच काही सीन्स केले, ज्यामुळे त्यांना नंतर चित्रपटांमध्ये कमी भूमिका मिळाल्या आणि सिनेसृष्टीतील त्यांचं करिअर काहीस संपलं. मात्र, तृप्ती डिमरीचे नशीब ‘ॲनिमल’नंतरच चमकले. यानंतर तिच्याकडे एकामागोमाग एक चित्रपट येत गेले. ‘बॅड न्यूज’नंतर ती ‘भूल भुलैया ३’मध्येही दिसणार आहे. त्याचबरोबर ती ‘धडक २’ मध्येही दिसणार आहे.
