बॉलिवूडमध्ये अनेक जोड्या नावारुपाला आल्या आहेत. त्यातील काही जोड्या टिकल्या तर काही जोड्या विभक्त झाल्या. यापैकी एक जोडी म्हणजे अभिनेता सैफ अली खान व अभिनेत्री अमृता सिंह. १९९१ साली दोघांनी प्रेमविवाह केला. सुरुवातीला दोघांचे धर्म वेगवेगळे असल्याने अनेक प्रकारच्या चर्चा झाल्या. तसेच दोघांच्या वयामध्ये तब्बल १२ वर्षांचे अंतर होते. मिळालेल्या माहितीनुसार दोघांनीही आपापल्या घरच्यांच्या विरोधात जाऊन लग्न केले होते. पण लग्नानंतर फक्त १३ वर्षातच ते विभक्त झाले. पण यामागील खरं कारण आता समोर आले आहे. (saif ali khan and amrita singh marriage)
जेव्हा सैफ व अमृताने लग्न केले तेव्हा त्यांच्या लग्नामुळे दोघांनाही खूप प्रसिद्धी मिळाली. सैफ हा अमृतापेक्षा १२ वर्षांनी लहान होता त्यामुळे हे लग्न साधे नव्हते. त्यानंतर दोघांना सारा व ईब्राहीम अशी दोन मुलं आहेत. मात्र दोघांमध्ये कालांतराने मतभेद होऊ लागल्याने दोघांनी घटस्फोट घेण्याचा निर्णय घेतला. वयामध्ये अधिक अंतर असल्याने वेगळे झाले अशा चर्चा तेव्हा सुरू झाल्या. मात्र वेगळे होण्याचे कारण वय नसून घरात होणारे मतभेद होते.
मिळालेल्या माहितीनुसार अमृताचे आपल्या सासरच्यांबरोबरचे संबंध चांगले नव्हते. सासू शर्मिला टागोर व नणंद सबा अली खान व सोहा अली खान यांच्याबरोबरही सतत भांडणं होत असत. त्याचप्रमाणे सैफ व अमृता यांच्याही नात्यात दुरावा आला होता. दोघांमध्ये सतत वादावादी होत असे. त्यामुळे पुढे जाऊन हा वाद विकोपाला गेला आणि अमृता व सैफने वेगळे होण्याचा निर्णय घेतला.
अखेर २००४ साली दोघांनी घटस्फोट घेतला व दोघांचे रस्ते वेगळे झाले. अमृता त्यानंतर जास्त चित्रपटांमध्ये दिसून आली नाही. घटस्फोटानंतर सैफने २०१२ साली अभिनेत्री करीना कपूरबरोबर लग्न केले. करीना सैफपेक्षा १० वर्षांनी लहान आहे. या जोडीलाही प्रेक्षकांचे खूप प्रेम मिळाले. या दोघांना तैमुर व जेह अशी दोन मुलं आहेत. सैफ आपल्या पूर्ण कुटुंबासह अनंत अंबानी व राधिका मर्चंट यांच्या लग्नाआधीच्या कार्यक्रमात दिसून आला होता. सैफ आता ‘देवारा : भाग १’ मध्ये काम करताना दिसणार आहे.
