Rashmika-Vijay First Video After Wedding : रश्मिका मंदाना आणि विजय देवरकोंडा यांच्या नात्याबद्दल अनेक चर्चा रंगल्या. तसेच त्यांच्या लग्नाची बातमी देखील सोशल मीडियावर प्रचंड व्हायरल झाली. दरम्यान रश्मिका मंदानाने विजय देवरकोंडासह आयुष्याची नवी सुरुवात केली. २६ फेब्रुवारी २०२६ रोजी त्यांनी उदयपूरमध्ये धूमधडाक्यात लग्न केलं. या लग्नसोहळ्याचे फोटो रश्मिका आणि विजयने त्यांच्या इन्स्टाग्राम अकाऊंटवर पोस्ट करत आपल्या भावना व्यक्त केल्या आहेत. पारपंरिक दाक्षिणात्य पद्धतीनुसार हा विवाहसोहळा पार पडला आणि त्यानुसारच या दोघांचा पोशाख होता. सोशल मीडियावर सध्या त्यांच्या लग्नाची जबरदस्त चर्चा आहे.
आपल्या संस्कृतींचा मान राखत तेलुगू हिंदू व ‘कोडावा’ अशा दोन वेगवेगळ्या पद्धतीने रश्मिका आणि विजयने विवाह केला. सर्वत्र त्यांच्या लग्नाच्या फोटांची चर्चा असतानाच त्यांचा पहिला व्हिडीओ समोर आला आहे. रश्मिका मंदाना व विजय देवरकोंडा लग्नानंतर पहिल्यांदाच माध्यमांसमोर आले आहेत. दोघांचा एअरपोर्टवरील व्हिडीओ सध्या प्रचंड व्हायरल होत आहे. यावेळी रश्मिकाने लाल रंगाचा पारंपरिक पंजाबी ड्रेस घातला होता. तर विजयने को-ऑर्ड सेट घातला होता. (Rashmika-Vijay First Video After Wedding)
दरम्यान गेल्या काही महिन्यांपासून दोघांच्याही लग्नाच्या चर्चा रंगल्या होत्या. अखेर काही दिवसांपूर्वी सोशल मीडियावर रश्मिका आणि विजयने लग्नाच्या बातमीवर शिक्कमोर्तब केला. दोघांची पहिली भेट ही ‘गीता गोविंदम्’ या चित्रपदरम्यान झाली. त्यानंतर ‘डिअर कॉम्रेड’ दोघांनी पुन्हा एकत्र काम केलं. या चित्रपटातील त्यांच्या केमिस्ट्रीमुळे त्यांच्या प्रेमाची सुरुवात झाली. (Rashmika-Vijay First Video After Wedding)
