‘द केरला स्टोरी’ फेम अभिनेत्री अदा शर्माने अभिनयाच्या जोरावर प्रेक्षकांच्या मनात घर केलं. अदा सोशल मीडियावर बरीच सक्रिय असते. ती गात असलेली मराठी गाणी तर सोशल मीडियावर चर्चेचा विषय ठरतात. शिवाय तिचे योग करतानाचे व्हिडीओही सोशल मीडियावर हिट ठरतात. आपल्या खासगी आयुष्याबाबत सोशल मीडियाद्वारे व्यक्त होणारी अदा सध्या एका वेगळ्याच कारणामुळे चर्चेत आहे. अदा आजारी असल्याचं समोर आलं आहे. (Adah Sharma Hospitalised)
अदाची तब्येत अचानक बिघाडल्याने तिला रुग्णालयात भरती करण्यात आलं आहे. मीडिया रिपोर्टनुसार, अदा शर्माला फूड इन्फेकशन झाल्यामुळे तिची प्रकृती बिघडली. अपचनाचा त्रास झाल्यामुळे अदाला रुग्णालयात दाखल करण्यात आल्याची माहिती समोर आली आहे. १ ऑगस्ट (मंगळवारी) सकाळी अचानक अदाला अस्वस्थ वाटू लागलं.
अदाला उलट्या व अपचनाचा त्रास जाणवू लागला. त्यामुळे तिला अशक्तपणा आला होता. त्यानंतर लगेचच तिला रुग्णालयात दाखल करण्यात आलं, अशी माहिती तिच्या जवळच्या व्यक्तीने दिली. अदा शर्माच्या काही वैद्यकीय चाचण्या करण्यात आल्या आहेत. सध्या तिच्यावर रुग्णालयात उपाचर सुरु आहेत.
डॉक्टरांच्या सल्ल्यानुसार अदाला सध्यातरी रुग्णालयामध्ये ठेवण्यात येईल. अदाच्या उत्तम आरोग्यासाठी तिचे चाहते प्रार्थना करत आहेत. तसेच सोशल मीडियाद्वारे चाहते अदा लवकर बरी हो असं सातत्याने म्हणत आहेत. प्रकृती सुधारल्यानंतर अदा पुन्हा एकदा नव्याने तिच्या पुढील कामाला सुरुवात करेल.