‘स्टार प्रवाह’ वाहिनीवरील ‘ठरलं तर मग’ मालिकेला प्रेक्षकांकडून बरंच प्रेम मिळत आहेत. या मालिकेला तर प्रेक्षकांनी अक्षरशः डोक्यावर घेतलं आहे. टीआरपीच्या शर्यतीतही ही मालिका सध्या स्वतःचं अव्वल स्थान अजूनही कायम आहे. मालिकेतील सायली, अर्जुनसह इतर कलाकारांनीही प्रेक्षकांच्या मनावर अधिराज्य गाजवताना दिसतात. मालिकेतील कल्पना म्हणजे अभिनेत्री प्राजक्ता कुलकर्णी दिघे यांचा तर वेगळा असा चाहतावर्ग आहे. त्यांनी आजवर बऱ्याच चित्रपट, मालिकांमध्ये काम केलं आहे. त्यांची लक्ष्मीकांत बेर्डे यांच्याबरोबरची ‘धडाकेबाज’ चित्रपटातील भूमिका खूप गाजली होती. प्राजक्ता सोशल मीडियावर बऱ्याच सक्रिय असतात. त्यांच्या कुटुंबात आता नवीन सदस्याची एंन्ट्री झाली आहे. नुकताच त्यांनी सोशल मीडियावर व्हिडीओ शेअर करत ही आनंदाची बातमी चाहत्यांबरोबर शेअर केली आहे. (prajakta Kulkarni dighe bought a new luxurious car)
सध्या सगळीकडे दिवाळीची धामधुम दिसत आहे. बरेच जण लक्ष्मीपूजनाच्या दिवशी विविध गोष्टीं खरेदी करतात. तसंच प्राजक्ता यांनी दिवाळीच्या शुभ मुहुर्तावर एक आलिशान गाडी खरेदी केली आहे. या गाडीबरोबरचा व्हिडीओ शेअर करत त्यांनी कॅप्शनमध्ये लिहीलं, ‘नवीन सदस्याचं आमच्या घरी स्वागत आहे’. या व्हिडीओत प्राजक्ता त्यांच्या कुटुंबासह गाडीच्या शो रुममध्ये पोहोचलेल्या दिसल्या. यावेळी प्राजक्ता भगव्या, हिरव्या ड्रेसमध्ये दिसल्या तर त्यांच्याबरोबर त्यांचा नवरा व त्यांचा मुलगा पारंपारीक पोशाखात दिसले.
व्हिडीओत त्यांच्या चेहऱ्यावर नवीन गाडी घेतल्याचा आनंद सगळ्यांच्या चेहऱ्यावर पाहायला मिळत होता. त्यांच्या कुटुंबाच्या स्वागतासाठी गाडीच्या शोरुममध्ये स्क्रीनवर त्यांच्या कुटुंबातील सदस्यांचे फोटो व्हिडीओ स्वरूपात झळकताना दिसले. तर दुसऱ्या व्हिडीओत गाडीची शास्त्रशुद्ध पद्धतीने पूजाही करण्यात आलेली पाहायला मिळाली.
प्राजक्ता यांनी शेअर केलेला हा व्हिडीओ सध्या सोशल मीडियावर बराच व्हायरल होत आहे. नेटकऱ्यांसह कलाकरांनीही लाईक व कमेंटचा वर्षाव करत त्यांना शुभेच्छा दिल्या. अभिनेत्री प्रियांका तेंडोलकर, जुई गडकरी, पल्लवी वैद्य, मोनिका दबडे अशा अनेक कलाकारांनी प्राजक्ता यांना शुभेच्छा दिल्या.
