Monika Dabade Daughter :बॉलिवूड सेलिब्रिटी कपल दीपिका पदुकोन आणि रणवीर सिंगनंतर आता मराठमोळ्या अभिनेत्रीनेही दिवाळीच्या शुभ मुहूर्तावर लेकीचा चेहरा दाखविला आहे. ठरलं तर मग मालिकेतील अस्मिता म्हणजेच अभिनेत्री मोनिका दबडेने तिच्या लेकीचा चेहरा अखेर साऱ्यांना दाखविला आहे. यापूर्वी ती नेहमीच लेकीचे पाठमोरे फोटो, व्हिडीओ शेअर करताना दिसली त्यामुळे मोनिका तिची लेक वृंदाचा चेहरा केव्हा दाखवणार याकडे साऱ्यांच्या नजरा लागून राहिल्या होत्या. अखेर दिवाळी पाडव्याचा शुभ मुहूर्त साधत तिने सोशल मीडियावर नवरा-लेक आणि स्वतःचा फोटो शेअर केला आहे. आणि काही वेळातच हा फोटो व्हायरल झाला आहे.
मोनिकाला ‘ठरलं तर मग’ मालिकेतील अस्मिता या भूमिकेमुळे लोकप्रियता मिळाली. सोशल मीडियावर मोनिका बऱ्यापैकी सक्रिय असते. ती सोशल मीडियावर व्हिडीओ, फोटो शेअर करत चाहत्यांच्या संपर्कात राहत असते. मोनिकाच्या घरी १५ मार्च २०२५ रोजी चिमुकलीचं आगमन झालं. अभिनेत्रीने नवरा अन् चिमुकल्या लेकीसह फोटो शेअर करत ही गुडन्यूज सर्वांना दिली होती. “दाहीदिशांतून कशी नांदी झाली हो… गोड गोजिरी साजिरी मुलगी झाली हो… आणि नवे पर्व सुरु १५.०३.२०२५” असं कॅप्शन देत अभिनेत्रीने आपल्या भावना व्यक्त केल्या होत्या.
आणखी वाचा – दीपिका पदुकोण की रणवीर सिंग, दुआ कोणासारखी दिसते?, नेटकरी म्हणाले, “चेहरा वडिलांवर गेला आहे पण…”
यानंतर आता अभिनेत्रीने लेकीचा फोटो शेअर करत, “सगळ्यांना दिवाळीच्या खूप खूप शुभेच्छा !! 🪔✨ वृंदा , मोनिका आणि चिन्मयकडून”, असं कॅप्शन देत पोस्ट केली आहे. ही पोस्ट पाहून चाहते मंडळी त्यांच्यावर लाईक्सचा वर्षाव करत आहेत. वृंदाचा फोटो पाहून चाहते मंडळी ती तिच्या बाबांसारखी दिसतेय असं म्हटलं आहे. अनेकांनी कमेंट करत “बाबांसारखी वृंदा गोड मुलगी”, “Finally face दिसला same बाबा सारखी”, “अगदी बाबांची छाप आहे गोडुली”, असं म्हटलं आहे.
आणखी वाचा – ‘चला हवा येऊ द्या’ फेम अभिनेता झाला बाबा, घरी चिमुकल्याचे आगमन, पहिला फोटो समोर
लग्नच्या १० वर्षांनी मोनिका आणि चिन्मय आई-बाबा झाले. आई-बाबा झाल्यानंतर ते त्यांच्या लेकीसह व्यस्त झाले. मोनिका तर लेकीला सेटवर घेऊन जात शूटिंगची जबाबदारी सांभाळत आहे. त्यामुळे अर्थातच तिचं भरभरुन कौतुक होताना दिसतं. घरची जबाबदारी सांभाळत मोनिका तिचं व्यावसायिक आयुष्यही सांभाळत आहे.
