Pankaj Dheer Latest News : प्रसिद्ध टीव्ही आणि चित्रपट अभिनेते पंकज धीर आता या जगात नाहीत. पण त्यांच्या अनेक आठवणी ते मागे सोडून गेले आहेत. त्यांच्या मृत्यूनंतर सुमारे सात दिवसांनी दिवाळीचा सण साजरा करण्यात आला, पण हा सण कुटुंबासाठी खूप भारी होता. पंकज धीर त्यांच्याबरोबर नसल्याने त्यांना हा सण साजरा करणंही कठीण गेलं. त्यांची सून कृतिका सेंगर हिने यानिमित्त वेदनांनी भरलेली पोस्ट शेअर केली आहे. अर्थात पंकज धीर यांच्या कुटुंबासाठी यंदाची ही दिवाळी फारच शांत आहे. पंकज धीर यांची सून आणि अभिनेत्री कृतिका सेंगर हिने सोशल मीडियावर एक गोष्ट शेअर केली आहे, ज्यामध्ये तिने सासऱ्याशिवाय हा सण साजरा करणे किती कठीण होते हे सांगितले.
दिवाळीला लावलेल्या दिव्याचा फोटो शेअर करताना कृतिकाने लिहिले की, “जेव्हा तुम्ही एखाद्या प्रिय व्यक्तीला गमावता, तेव्हाच तुम्हाला सण किती भारी वाटतात हे लक्षात येत”. या पोस्टमध्ये तिने हार्ट इमोजीही शेअर केला आहे. पंकज धीर कर्करोगाशी झुंज देत होते, अशी माहिती आहे. काही दिवसांपूर्वी त्यांच्यावर उपचारादरम्यान शस्त्रक्रिया करण्यात आली होती. मात्र १५ ऑक्टोबर रोजी वयाच्या ६८ व्या वर्षी त्यांनी या जगाचा निरोप घेतला.
आणखी वाचा – दीपिका पदुकोण की रणवीर सिंग, दुआ कोणासारखी दिसते?, नेटकरी म्हणाले, “चेहरा वडिलांवर गेला आहे पण…”
त्याला निरोप देण्यासाठी सलमान खानपासून पुनीत इस्सार आणि इतर कलाकार आले होते. पंकज कॅन्सरशी लढा देत असतानाही त्यांनी काम सोडले नाही. त्यांनी चित्रपट आणि टीव्ही दोन्हीमध्ये काम केले. बीआर चोप्रा यांच्या ‘महाभारत’मध्ये कर्णाची भूमिका साकारुन ते घराघरात प्रसिद्ध झाले. याशिवाय तो ‘चंद्रकांता’, ‘बडी बहू’, ‘ससुराल सिमर का’मध्ये दिसले होते. चित्रपटांबद्दल बोलायचे झाले तर ते ‘बादशाह’, ‘सोल्जर’, ‘जमीन’मध्ये दिसले होते.
आणखी वाचा – इतकी सुंदर व गोंडस आहे मोनिका दबडेची लेक, पहिल्यांदाच दाखवला चेहरा, हुबेहूब…
अभिनेत्याच्या पश्चात पत्नी अनिता धीर, मुलगा निकेतन धीर आणि सून कृतिका सेंगर असा परिवार आहे. निकेतनने त्याच्या वडिलांच्या पावलावर पाऊल टाकत अभिनय क्षेत्रात नाव कमावलं आहे. शाहरुख खानच्या ‘चेन्नई एक्स्प्रेस’मध्ये तो थंगबली या भूमिकेमुळे चर्चेत आला. कृतिका ही प्रसिद्ध टीव्ही अभिनेत्री आहे. पंकज यांना देविका नावाची तीन वर्षांची नात देखील आहे.
