‘ठरलं तर मग’ मालिकेच्या आजच्या भागात असे पाहायला मिळणार आहे की, अर्जुन पूर्णा आईला प्रतिमा, रविराज यांचा विचार करुन तन्वीला माफ करण्याची विनंती करतो. अर्जुनचं हे म्हणणं ऐकून पूर्णा आई तन्वीला सुधारण्याची एक संधी देतात. यानंतर आमच्या कुटुंबाला त्रास होता कामा नये अशी सक्त समजसुद्धा पूर्णा आई तन्वीला देते. यानंतर तन्वी अर्जुनला धन्यवाद देते, अस्मिताही अर्जुनला चांगले काम केलेस असं म्हणत त्याचे आभार मानते. तन्वीमुळे पुढे जाऊन पश्चाताप व्हायला नको असे सायली बोलते. त्यावर तन्वी लगेच आपण किती साळसूत आहोत असा खोटा बिचारेपणाचा आव आणते. (Tharal Tar Mag Serial Update)
कल्पना सायलीला तन्वीच्या नादी न लागण्याचा सल्ला देते. प्रताप तन्वीला नीट वागण्याबद्दल बजावतो. तन्वी अर्जुनला पूर्णा आईवर प्रेम असल्याचे खोटे सांगते शिवाय सायली कशी चूक आहे हेही त्याला सांगते. अर्जुनही तन्वीला सायली अशीच असल्याचे मुद्दाम सांगतो. सायली कायम माझ्यावर लक्ष ठेवत असून आत्ताही दाराआडून ती बघत असल्याचे अर्जुन तन्वीला सांगतो. अर्जुन अलिबागला मिटिंगसाठी एकटाच जाण्याबद्दल तन्वीला सांगताच तन्वीसुद्धा अलिबागला त्याच्याबरोबर जाण्याबद्दल विचारते. तुझे कामं झाले की एकमेकांबरोबर जुन्या आठवणींना उजाळा देत वेळ घालवू असंही तन्वी अर्जुनला सांगते. अर्जुनही लगेच होकार देतो. सायली अर्जुनला अलिबागला जाण्याबद्दल एकदा विचार करावा असे सांगते. उलट अर्जुन यातच फायदा असल्याचे तिला सांगतो. पण सायली मात्र अर्जुनवर नाराज होते. तन्वी मुद्दाम घरी येऊन पिकअप आणि डिलिव्हरी एकाच ठिकाणी करायला सांगते.
दुसरीकडे सायली अर्जुनला तिथे काय होत आहे हे दर तासाने कळवायची सूचना देते. सायलीला अर्जुन प्लॅन यशस्वी होण्याबद्दल विश्वास देतो. दुसरीकडे तन्वी अलिबागसाठी exhibition ला जायचा रविराजपुढे बहाणा करते. रविराजही तिला लगेच जायची परवानगी देतो. इथे अर्जुन तन्वीच्या आवडीचे कपडे घालतो पण सायलीला ते पटत नाही ती दुसरे कपडे त्याला काढून देते पण तो तन्वीच्याच आवडीचे कपडे घालायची जिद्द धरतो. त्यावेळी सायली मात्र त्याच्यावर चिडून हेच कपडे घालायचे असं अर्जुनला सांगते.
सायली अर्जुनला तो अलिबागला निघताना काळजी घ्यायला सांगते. आता मालिकेच्या पुढील भागात असे पाहायला मिळणार आहे की, अर्जुनसाठी तन्वी गाडीत गजरा घेते पण तो गाडीत ठेवल्यावर त्याला शिंका सुरु होतात. त्यावर तो तिला लहानपणीचे काही आठवत नाही का असं तिला विचारताच तिला आपण माती खाल्ल्याचे समजते.
