‘ठरलं तर मग’ मालिकेला प्रेक्षक भरभरुन प्रतिसाद देताना दिसत आहेत. मालिकेत आलेल्या रंजक कथानकामुळे ही मालिका प्रेक्षकांच्या पसंतीस पडत आहे. मालिका सुरु झाल्यापासून या मालिकेवर प्रेक्षक भरभरुन प्रेम करताना दिसत आहेत. मालिकेतील सायली-अर्जुनच्या जोडीला तर प्रेक्षकांनी डोक्यावर उचलून धरलं आहे. याशिवाय मालिकेतील पुर्णा आजी, कल्पना, प्रिया, प्रताप, अस्मिता, नागराज, चैतन्य, साक्षी हे कलाकारही त्यांच्या पात्रामुळे चर्चेत असतात. (Tharal Tar Fame chaitanya and sakshi dance)
मालिकेतील चैतन्य व साक्षी या पत्राचीही बरीच चर्चा रंगलेली पाहायला मिळत आहे. मालिकेत चैतन्य साक्षीच्या प्रेमात आकंठ बुडालेला असतो. साक्षीवरील प्रेमापोटी तो अर्जुन बरोबरची वर्षानुवर्षे असलेली मैत्रीही तोडतो. त्यानंतर साक्षी व चैतन्य साखरपुडा करतात. दरम्यान साखरपुडा होण्याआधीच अर्जुन व सायली चैतन्यचे डोळे उघडतात. साक्षी विरोधात पुरावे दाखवत तो चैतन्यला सावध करतात. मात्र साक्षीचा बदला घेण्यासाठी अर्जुन व सायली चैतन्यला साक्षीबरोबर साखरपुडा करण्याचा सल्ला देतात.
एकूणच मालिकेत नकारात्मक भूमिकेत असलेली साक्षी ही भूमिका अभिनेत्री केतकी पालव साकारत आहे. तर चैतन्यच्या भूमिकेत अभिनेता चैतन्य सरदेशपांडे साकारत आहे. ऑनस्क्रीन साक्षी व चैतन्यच जस बॉण्डिंग आहे त्याहून वेगळं असं बॉण्डिंग त्यांचं ऑफस्क्रीन असलेलं पाहायला मिळत आहे. सोशल मीडियावर चैतन्य व साक्षी म्हणजे चैतन्य व केतकीचे व्हिडीओ नेहमी व्हायरल होत असतात. अशातच दोघांचा डान्स करतानाचा एक व्हिडीओ व्हायरल झाला आहे.
या व्हिडीओत चैतन्य व साक्षी शाहरुख खान व माधुरी दीक्षितच्या ‘ढोलना’ या लोकप्रिय गाण्यावर जबरदस्त डान्स करताना दिसत आहेत. ‘ढोलना’ हे गाणं सध्या सोशल मीडियावर ट्रेंड होतं आहे. त्यानुसारच चैतन्य व साक्षीने डान्स केल्याचं व्हिडीओमध्ये पाहायला मिळत आहे. “चैतन्य तू खूप गोड आहेस”, “तुम्ही दोघं खूपच गोड आहे”, “कमाल”, “लयभारी”, अशा कमेंट करत दोघांचं भरभरुन कौतुक केलं आहे. चैतन्य व केतकीचा हा मजेशीर डान्स व्हिडीओ साऱ्यांच्या पसंतीस पडत आहे.
