मराठी सिनेसृष्टीत अशी बरीच कलाकार मंडळी आहेत जी नेहमीच त्यांच्या वैयक्तिक आयुष्याबाबत चाहत्यांसह काही ना काही अपडेट शेअर करत असतात. बरेचदा ही कलाकार मंडळी चाहत्यांसह त्यांच्या घराचे, गावाकडचे फोटो, व्हिडीओ शेअर करत असतात. चित्रीकरणातून ब्रेक घेत ही कलाकार मंडळी त्यांच्या गावी जात कुटुंबियांसह वेळ घालवतनाही दिसतात. अशातच एक मराठमोळी अभिनेत्री तिच्या गावी धमाल, मस्ती करतानाचा एक व्हिडीओ शेअर केला आहे. ही अभिनेत्री म्हणजे पल्लवी पाटील. पल्लवीने तिच्या इन्स्टाग्राम अकाउंटवरुन एक व्हिडीओ शेअर केला आहे. (Pallavi Patil Home And Village)
‘नवा गडी नवं राज्य’ या मालिकेतून अभिनेत्री पल्लवी पाटील घराघरांत पोहोचली. पल्लवीने आजवर तिच्या अभिनयशैलीने प्रेक्षकांच्या मनात घर केलं. लोकप्रिय मालिकांच्या यादीत अव्वल स्थानावर असलेल्या ‘नवा गडी नवं राज्य’ या मालिकेतील पल्लवीच्या भूमिकेला प्रेक्षकांनी भरभरून प्रतिसाद दिला. ही मालिका जेव्हापासून सुरु झाली आहे तेव्हापासूनच या मालिकेला चाहत्यांनी डोक्यावर उचलून धरली. गावाकडून मुंबईत येऊन आनंदीने कसा आपला संसार संभाळला, कशी माणसं जोडली हे पाहणं मालिकेत रंजक ठरलं.
मात्र मालिकेने निरोप घेतल्यानंतर पल्लवी सोशल मीडियावर बऱ्यापैकी सक्रिय झाली. अशातच सोशल मीडियावर शेअर केलेल्या एका व्हिडीओने साऱ्यांचं लक्ष वेधलं आहे. पल्लवी सध्या तिच्या गावी गेली असल्याचं पाहायला मिळत आहे. पल्लवी तिच्या गावी जाऊन धमाल मस्ती करतानाचा एक व्हिडीओ शेअर केला आहे. या व्हिडीओमध्ये गावाकडील अनेक फोटो व्हिडीओ शेअर केले आहेत. या व्हिडीओला कॅप्शन देत तिने लिहिलं आहे की, “मन गहिवरून जावं असं माझं छोटस गाव”.
पल्लवीने शेअर केलेल्या या व्हिडीओमध्ये ती कैरी खाताना, भेळ खाताना दिसत आहे. गावी जाऊन पल्लवीने गायीचे दूधही काढले आहे. शिवाय तिच्या भव्य अशा घराची झलकही या व्हिडीओमध्ये दाखवली आहे. जुन्या आणि या आलिशान घराच्या पारंपरिक स्वयंपाक घराने अधिक लक्ष वेधलं. शिवाय पुरणपोळी खाताना आणि मांसाहारी जेवणाचा आस्वाद घेतानाही ती दिसली. ट्रॅक्टरवर बसून गावात फिरतानाही अभिनेत्री या व्हिडीओत दिसली. या व्हिडीओमध्ये गावातील नयनरम्य दृश्ये पाहायला मिळत आहेत. पल्लवीच्या या व्हिडीओवर चाहत्यांनी कमेंट करत लाईक्स व कमेंटचा वर्षाव केलेला पाहायला मिळत आहे. पल्लवी ही खानदेशातील मुलगी आहे. खान्देश हे पल्लवीचे गांव आहे.
