dipika kakar cancer treatment : ‘ससुराल सिमर का’ फेम अभिनेत्री दीपिका कक्कर इब्राहिमवर सध्या दुःखाचा डोंगर कोसळला आहे. एकीकडे दीपिका कॅन्सरवर उपचार घेत आहे. तर दुसरीकडे, तिला आता सिस्ट या आजारानेदेखील घेरलं आहे. डॉक्टरांनी सांगितले आहे की, त्या सिस्टवरही शस्त्रक्रिया करावी लागेल. सततच्या आजारपणामुळे दीपिकाचे कुटुंबीय खूप चिंतेत आहेत. कुटुंबीय आता दीपिकाच्या तब्येतीबाबत बोलताना भावुक झालेले दिसत आहेत. एका आजारातून सावरत बाहेर येतानाच दुसऱ्या आजाराने डोकं वर काढणं हे दीपिकासह तिच्या कुटुंबियांनाही त्रासदायक आहे. यावर आता दीपिकाची नणंद सबानेही प्रतिक्रिया दिली आहे. याशिवाय ती भावुकही झाली आहे.
दीपिकाची नणंद सबाने हा व्हिडीओ युट्युबवर शेअर केला आहे. सबा म्हणाली, “माझ्या वहिनी आणि भावाचा लग्नाचा वाढदिवस आहे. काय परिस्थिती आहे हे तुम्हा सर्वांना माहीत आहे. पण तरीही आम्ही केक कापला. वहिनीकडे बघून आम्हाला वाटले की ती किती खंबीर आहे. तिने मेहंदीही लावली. पण तिच्या शरीरात काय सुरु आहे ते माहित नाही. या सर्व गोष्टी कधी ना कधी परत येतात असे डॉक्टरांनी सांगितले होते. पण वहिनीची शस्त्रक्रिया झाली तेव्हा पुन्हा असं काही होणार नाही असं वाटत होतं”.
सबा पुढे म्हणाली, “पण जेव्हा आम्ही तिच्या सिस्टबद्दल ऐकले तेव्हा आम्हाला काय करावे हे समजले नाही. पण वहिनी खूप स्ट्राँग आहे, त्यामुळे आपल्यालाही तिच्यासाठी खंबीर व्हावं लागेल. रमजानचा महिना सुरु आहे. तुम्ही सर्व तिच्यासाठी प्रार्थना करा. त्यांच्यासाठी हा कसोटीचा काळ आहे. तो हॉस्पिटलमधून आला तेव्हा इफ्तारची वेळ होती. त्यामुळे तो येईल असे आम्हाला वाटले. आमची प्रतिक्रिया कशी असेल? आम्ही स्वतःला आतून बळकट करत होतो. अम्मा यांनी आम्हाला आधीच सांगितले होते. काहीतरी चुकतंय असं आम्हाला वाटलं. शांतता नव्हती. परिस्थिती कशीही असो वहिनी खूप खंबीर आहेत. उलट तीच आम्हाला धीर देते”.
आणखी वाचा – “रेवतीच्या लग्नाची खिल्ली उडवतोस का?”, चाहतीच्या प्रश्नावर आदिश वैद्य भडकला, म्हणाला, “तिला प्रेम मिळालं…”
सबाने पुढे सांगितले की, तिने घरी शोएब आणि दीपिकाचा केक कापला होता. पण दुसरे काही केले नाही. कारण दुसऱ्याच दिवशी दीपिकाला रुग्णालयात दाखल करावे लागले.
