सध्या मनोरंजन क्षेत्रांमध्ये अभिनेत्री आरती सिंग व दीपक चौहानच्या लग्नाची जोरदार चर्चा सुरु आहे. दोघांच्याही लग्नाचे अनेक फोटो व व्हिडीओ सोशल मिडियावर मोठ्या प्रमाणात व्हायरल झाले आहेत. आरतीच्या लग्नासाठी मामा गोविंदा उपस्थित राहिल्याने देखील सर्वत्र चर्चा सुरु झाल्या होत्या. आरतीच्या लेहंग्यापासून ते तिच्या पाठवणीपर्यंत अनेक चर्चा झाल्या. नुकताच तिचा आता पाठवणीचा हटके व्हिडीओ सोशल मीडियावर मोठ्या प्रमाणात व्हायरल होत आहे. या व्हिडीओमध्ये ती काहीतरी हटके करताना दिसत आहे. (arti singh wedding)
गेल्या अनेक दिवसांपासून आरती व दीपकच्या लग्नाची जोरदार तयारी सुरु होती. काल दोघांचाही विवाह थाटामाटात पार पडला. त्यांच्या लग्नासाठी अभिनेता कृष्णा अभिषेक, कश्मिरा शहा, गोविंदा यांची उपस्थिती होती. लग्नामध्ये आरतीने लाल रंगाचा लेहंगा परिधान केला होता. तर दीपकने पांढऱ्या रंगाची शेरवाणी घातली होती. दोघेही वधूवराच्या वेशात खूप साजेसे दिसत होते. मंडपामध्ये जाताना आरतीच्या डोळ्यात अश्रु असलेलेही पाहायला मिळाले. अशातच आता आरतीच्या पाठवणीचा व्हिडीओ सोशल मीडियावर व्हायरल होत आहे.
व्हायरल झालेल्या व्हिडीओमध्ये आरती स्वतः कार चालवताना दिसत आहे. तसेच तिचा पती दीपक हा कारमध्ये तिच्या बाजूला बसलेला दिसत आहे. तेव्हाच तिचा भाऊ कृष्णा आपल्या बहिणीच्या पाठवणीच्यावेळी मस्करी करतानाही दिसत आहे. तो म्हणाला की, “आमची मुलगी मुलगा घेऊन निघून गेली”. हे म्हंटल्यानंतर आजूबाजूची सर्व मंडळी हसू लागली. या व्हायरल व्हिडीओवर नेटकऱ्यांनीही अनेक प्रतिक्रिया दिल्या आहेत. एका नेटकऱ्याने लिहिले आहे की, “तुम्ही नेहमी आनंदात राहावे हीच आमची सदिच्छा”.
आरतीच्या व्हायरल झालेल्या व्हिडीओनंतर नवरीने काहीतरी वेगळे करुन दाखवले असेही म्हंटले गेले. दरम्यान आरती तिच्या लग्नाच्या सर्व कार्यक्रमामध्ये खूप सुंदर दिसत होती. तसेच तिने लग्नामध्ये घातलेल्या लाल रंगाच्या लेहंग्यावरुनही तिचे खूप कौतुक करण्यात आले होते. तिचा लेहंगा पाहून नेटरी म्हणाले की, “ही खरी नवरी वाटत आहे”, दुसऱ्या नेटकऱ्याने लिहिले की, “इतर अभिनेत्रींप्रमाणे आरतीने फिकट रंग निवडले नाहीत हे पाहून बरं वाटलं”.