टेलिव्हिजन व ओटीटीच्या माध्यमातून अभिनेता करण कुंद्रा हा अभिनेता म्हणून नावारुपास आला. ‘कितनी है मोहोब्बते’ या मालिकेतून त्याने अभिनय क्षेत्रामध्ये पदार्पण केले. त्यानंतर तो अनेक मालिका,चित्रपट व रिॲलिटी शोमधून तो प्रेक्षकांच्या समोर आला आहे. ‘बिग बॉस’, ‘लॉक अप’,’रोडिज’मुळे तो अधिक चर्चेत आला. तो सध्या हिंदी अभिनेत्री तेजस्वी प्रकाशला डेट करत आहे. दोघांच्या नात्याबद्दल अनेकदा मध्यमांमध्ये विविध प्रतिक्रियाही उमटत असतात. पण आता करण वेगळ्याच कारणामुळे चर्चेत आला आहे. (Karan kundra viral video)
करणने नुकतीच सोशल मीडियावर एक व्हिडीओ पोस्ट शेअर केली आहे. ज्यामुळे तो अनेकांना आश्चर्याचा धक्का बसला आहे. त्याने आपल्या पोस्टमध्ये गॅरेजमध्ये ठेवलेली नवीकोरी गाडी चोरीला गेल्याचे सांगितले आहे.त्याने शेअर केलेल्या व्हिडीओमध्ये सांगितले आहे की, “मित्रांनो जर कुणी ही मस्करीमध्ये केले असेल तर अजिबात योग्य नाही. जर तुम्ही माझे मित्र असाल तरीही हे योग्य नाही. ही माझी नवीन गाडी होती. हे मजेशीर नाही. प्लीज! ही प्रॅंक करण्याची वेळ नाही. मी गाडी अजून जास्त चालवलीही नव्हती. आता कार गायब झाली आहे. नवीन कारमध्ये कोणतीही सिक्युरिटी सिस्टिम, ट्रॅकिंग सिस्टिम कॅमेरा यापैकी काहीच नाही आहे. समजून घ्या. पण माझी कार कुठे आहे? प्लीज असं करु नका.
आणखी वाचा – अजय देवगणचा अंगावर काटा आणणारा ‘मैदान’चा ट्रेलर प्रदर्शित, जबरदस्त संवादांनी वेधलं लक्ष
करणचा हा व्हिडीओ सध्या सोशल मीडियावर प्रचंड व्हायरल होत आहे. यावर नेटकऱ्यांनीही आपल्या प्रतिक्रिया दिल्या आहेत. एका नेटकाऱ्याने लिहिले आहे की, “भावा, तेजस्वीला सांभाळ, नाहीतर तिलाही कोणीतरी असंच गायब करेल. तर दूसरा नेटकरी म्हणाला की, “तुझी कार तेजस्वी घेऊन गेली असेल”.
दरम्यान करण २०२१ पासून तेजस्वीला डेट करत आहे. अभिनेत्री जेनीलिया व रितेश यांच्या ‘लेडीज व्हर्सेस जेंटलमन’ या गेम शोमध्ये दोघांची भेट झाली होती. त्यानंतर ‘बिग बॉस’च्या १५ व्या पर्वात दोघांनीही सहभाग घेतला होता तेव्हा त्यांच्यातील मैत्री वाढली आणि एकमेकांच्या प्रेमात पडले.
