‘तारका मेहता का उल्टा चश्मा’ फेम अभिनेता गुरुचरण सिंह अचानक गायब झाल्याचे वृत्त येताच त्याच्या अनेक चाहत्यांसह कुटुंबीयदेखील चिंतेत पडले होते. अशातच आता २२ एप्रिलपासून बेपत्ता असलेला गुरचरण सिंह २५ दिवसांनी घरी परतला आहे आणि अभिनेत्याचा पहिला फोटोदेखील समोर आला आहे. ‘एएनआय’ या वृत्तसंस्थेने शनिवारी एका पोलीस अधिकाऱ्याबरोबर गुरुचरणचा फोटो एक्सवर (पूर्वीचे ट्विटर) शेअर केला आहे. या फोटोमध्ये गुरुचरण सिंह पोलिस कर्मचाऱ्याच्या शेजारी उभे राहून असतानाचे पाहायला मिळत आहे.
गुरुचरण घरी परतल्यानंतर लगेचच, दिल्ली पोलिसांनी अभिनेत्याची चौकशी केली आणि स्थानिक न्यायालयात त्याचा जबाब नोंदवला आहे. पोलिसांना दिलेल्या जबाबात त्याने तो एका आध्यात्मिक प्रवासासाठी घराबाहेर पडला असल्याचे पोलिसांनी सांगितले आहे. यापुढे पोलिसांनी असं म्हटलं की, “अभिनेत्याचे वडील हरजीत सिंग सुरुवातीला आमच्याशी बोलायला तयार नव्हते. पण नंतर त्यांना त्यांच्या मुलाबद्दल विचारले असता त्यांनी सांगितले की, घरी येऊन दोन दिवस झाले आहेत”.
Taarak Mehta Ka Ooltah Chashmah fame actor Gurucharan Singh has returned home on 17 May. He had gone missing on 22nd April. The Police have recorded his statement in the court. Gurucharan Singh said he had gone away from home on a spiritual journey: Delhi Police
— ANI (@ANI) May 18, 2024
(Pic source:… https://t.co/58EpY0ENVk pic.twitter.com/0YW3z9gWue
गुरुचरण घरी परतल्यानंतर त्याच्या वडिलांनी त्यांचीही प्रतिक्रिया दिली आहे. यावेळी ते असं म्हणाले की, “आता त्यांची प्रकृती ठीक आहे. तो आध्यात्मिक प्रवासासाठी घराबाहेर पडला होता. त्याचे अपहरण झाले नव्हते. आम्ही पोलिसांना सर्व काही सांगितले आहे.”
दरम्यान, एप्रिलच्या सुरुवातीला, गुरुचरण सिंह यांच्या वडिलांनी दिल्ली पोलिसांकडे तक्रार दाखल केली होती, ज्यात त्यांचा मुलगा मुंबईला आल्यानंतर अचानक बेपत्ता झाल्याचे म्हटले होते. त्यांच्या म्हणण्यानुसार, गुरुचरण सिंह मुंबईला जाणे अपेक्षित होते. पण तो मुंबईत पोहोचला नव्हता. त्यानंतर प्राथमिक तपासादरम्यान, पोलिसांना असेही आढळून आले की, अभिनेता अनेक बँक खाती चालवत होता. अशातच आता त्यांचा पत्ता लागला आहे.
