छोट्या पडद्यावरील लोकप्रिय मालिकांपैकी एक मालिका म्हणजे ‘तारक मेहता का उल्टा चष्मा’. या मालिकेने आजवर प्रेक्षकांचं भरभरुन मनोरंजन केलं. मालिकेत काम करणाऱ्या प्रत्येक कलाकाराला तर प्रेक्षकांनी डोक्यावर उचलून धरलं. ‘तारक मेहता का उल्टा चष्मा’मधील जेठालाल, भिडे, तारक मेहता, पोपटलाल यांसारखे अनेक पात्रांनी सगळ्यांच्याच मनावर जादू केली. यामधीलच एक नावाजलेलं पात्र म्हणजे आत्माराम भिडेची मुलगी सोनू. या मालिकेत सोनूचं पात्र अभिनेत्री झील मेहताने साकारलं होतं. आता छोटी सोनू म्हणजेच झील खऱ्या आयुष्यात विवाहबंधनात अडकणार आहे. (Jheel Mehta Wedding)
सोनू या पात्राने झील मेहताला प्रसिद्धी मिळवून दिली. तिचं काम आजही प्रेक्षकांच्या लक्षात आहे. आता झील तिच्या लग्नाच्या तयारीला लागली आहे. सध्या तिचा तिच्या बॉयफ्रेंडबरोबरचा व्हिडीओ सोशल मीडियावर वेगाने व्हायरल होत आहे. झीलला तिच्या बॉयफ्रेंडने अगदी फिल्मी स्टाइल प्रपोज केलं. तिनेच हा व्हिडीओ इन्स्टाग्राम अकाऊंटद्वारे शेअर करत चाहत्यांना गुडन्यूज दिली आहे.
झीलच्या बॉयफ्रेंडने तिच्यासमोरच अगदी फिल्मी स्टाइल डान्स केला. त्यानंतर तिला प्रपोज केलं. सरप्राइज पाहून आणि बॉयफ्रेंडने लग्नाची मागणी घातली आहे हे पाहून झील रडू लागली. त्यानंतर दोघांनी धमाल पार्टीही केली. व्हिडीओ शेअर करत झीलने म्हटलं की, “कोई मिल गया मेरा दिल गया”. चाहते झीलवर अभिनंदनाचा वर्षाव करत आहेत.
‘तारक मेहता का उल्टा चष्मा’मध्ये उत्तम काम करत झीलने प्रेक्षकांची वाह वाह मिळवली. काही वर्ष काम केल्यानंतर तिने अर्ध्यावरच ही मालिका सोडली. शिक्षण पूर्ण करण्यासाठी तिने या मालिकेमधून काढता पाय घेतला. पण या मालिकेनंतर ती इतर कोणत्याच मालिका किंवा चित्रपटामध्ये दिसली नाही. तरीही झीलवर आजही प्रेक्षक प्रेम करतात. तिचे सोशल मीडियावर तीन लाखच्या घरात फॉलोवर्स आहेत.
