टेलिव्हिजनवरील गाजलेला कार्यक्रम म्हणजे ‘तारक मेहता का उलटा चश्मा’. या कार्यक्रमाने गेल्या १६ वर्षामध्ये प्रेक्षकांचे मनोरंजन केले आहे. २००८ मध्ये सुरू झालेल्या या मालिकेमध्ये अनेक कलाकार सहभागी झाले होते. या मालिकेतील प्रत्येक पात्राला प्रेक्षकांची पसंती मिळाली आहे. या मालिकेतील ‘सोनू’ची भूमिका साकरणारी झील मेहता ही हल्ली सतत चर्चेत असते. काही दिवसांपूर्वी तिने ‘तारक मेहता का उलटा चश्मा’ या मालिकेतून बाहेर पाडण्याचे कारण सांगितले. तसेच ती तिच्या बॉयफ्रेंडबरोबर ती लग्नबंधनात अडकली. (Jheel Mehta business)
काही दिवसांपूर्वी ‘सोनू’ची भूमिका साकरणाऱ्या झीलने काही दिवसांपूर्वी शिक्षण पूर्ण करण्यासाठी मालिका सोडण्याचा निर्णय घेतला असे तिने माध्यमांसमोर स्पष्ट केले होते. तसेच तीने आपल्या बॉयफ्रेंडबरोबर साखरपुडाही केला आहे. पण मालिका सोडल्यानंतरही ती खूप चांगले आयुष्य जगत आहे. मालिका सोडल्यानंतर तिने बीबीएची डिग्री घेतली. त्यानंतर तिने मेकअप आर्टिस्ट म्हणून काम करण्यास सुरवात केली. तिने याबद्दल व्लॉगवर खुलासा केला आहे.
ती म्हणाली की, “मालिकेमधून बाहेर पडल्यानंतर बीबीए फायनान्समध्ये आपले शिक्षण पूर्ण केले. त्यानंतर मेकअप आर्टिस्ट म्हणून काम सुरू केले आणि यामध्येच आपला बिजनेस सुरु केला. याबरोबरच ‘सेफ स्टुडंट हाऊसिंग’ या नावाने दूसरा व्यवसाय सुरू केला. जे लोक बाहेरून मुंबईमध्ये शिक्षणासाठी येतात त्यांच्यासाठी घर उपलब्ध करुन देण्यासाठी मदत करते”, असे तिने सांगितले.
पुढे ती म्हणाली की, “मी दहावीमध्ये असल्याने परीक्षा होत्या. बोर्डाची परीक्षा महत्त्वाची असल्याने ‘तारक मेहता…’ ही मालिका मी सोडली. तसेच टेलिव्हिजनवर अभिनय करणे ही माझे लहानपणापासूनचे स्वप्न होते. ही स्वप्न ‘तारक मेहता…’ या मालिकेमुळे शक्य झाले. आता मी माझे शिक्षणही पूर्ण केले आहे आणि सध्या मी माझ्या व्यवसायामध्ये लक्ष देत आहे”.
झील ही सोशल मीडियावर नेहमी सक्रिय असून सध्या तिचे ३ लाखांपेक्षा अधिक फॉलोअर्स आहेत. तिच्या विविध फॅशनला नेहमी पसंती मिळते.
