गेल्या अनेक वर्षांपासून बॉलिवूडमध्ये फारशी सक्रिय नसलेली ‘स्वदेस’ फेम अभिनेत्री गायत्री जोशी काही दिवसांपूर्वी बरीच चर्चेत आली होती. गेल्या महिन्यात गायत्रीचा पती विकास ओबेरॉय यांच्या कारचा इटलीमध्ये भीषण अपघात झाला होता. ज्यामध्ये हे दोघे बालंबाल वाचले होते. मात्र त्यांच्या कारच्या धडकेत एका वृद्ध दाम्पत्याचा मृत्यू झाला होता. या अपघातानंतर काही दिवसांनी हे दोघे मायदेशी परतले होते. मात्र, ते माध्यमांसमोर फारसे झळकले नाही. अशातच या घटनेनंतर हे दाम्पत्य प्रथमच कॅमेऱ्यासमोर एकत्र आले. (Gayatri Joshi and Vikas Oberoi spotted after car Accident)
मुंबईत नुकतंच ‘जिओ वर्ल्ड प्लाझा’चे उदघाटन सोहळा पार पडला. यावेळी विविध क्षेत्रातील मान्यवरांसह अनेक बॉलिवूड कलाकारांनी हजेरी लावली होती. या सोहळ्याला गायत्री ही पती विकाससह एकत्र आले होते. यावेळी या दोघांनी उपस्थित पापाराझींना पोझ देताना दिसून आले. या जोडीचे व्हिडीओ सोशल मीडियावर व्हायरल होताच नेटकऱ्यांनी यावर विविध प्रतिक्रिया दिली आहे.
व्हायरल झालेल्या या व्हिडीओमध्ये गायत्री व विकास हे गाडीतून उतरत समारंभासाठी निघाले. तेव्हा उपस्थित पापाराझींनी त्यांना पोझ देण्यासाठी थांबवलं. सुरुवातीला तिने पोझ दिली. त्यानंतर पतीबरोबरचा एकत्र फोटो घेतला. या सोहळ्यासाठी गायत्रीने पिवळ्या रंगाचा ड्रेस परिधान केला होता, तर पती विकास ओबेरॉयने निळ्या रंगाचा सूट परिधान केला. या पोशाखात ही जोडी खूप सुंदर दिसून येत होती.
हे देखील वाचा – समीर चौघुलेंच्या हिंदीवरून कमेंट, हिंदीतील कलाकार आला की टीका; ‘हास्यजत्रे’च्या लेखक,दिग्दर्शकांचं रोखठोक मत, म्हणाले, “लोकांच्या भावना…”
या जोडीचा व्हिडीओ सोशल मीडियावर व्हायरल झाला असून अनेक नेटकरी यावर प्रतिक्रिया देताना दिसतात. काहींनी या जोडीचं कौतुक केलं असलं, तरी अनेकांनी त्यांना जोरदार ट्रोल केलं आहे. एक नेटकरी यावर म्हणाला, “होय, या जोडीने कॅम्पर व्हॅन चालवत असलेल्या एका वृद्ध दाम्पत्याला मारून मायदेशी सुखरूप परतले.” एकूणच या व्हिडिओवर संमिश्र प्रतिकिया येत आहे.
हे देखील वाचा – “हे दोघे आधीच…”, अंकिता लोखंडे व विकी जैनमधील वाद खोटं असल्याचा ‘बिग बॉस’च्या स्पर्धकांचा आरोप, म्हणाले, “तुम्ही तुमचं…”
ऑक्टोबरमध्ये हे जोडी इटलीतील एका कार शर्यतीत सहभागी झाली होती. त्यावेळी त्या जोडीच्या कारने ओव्हरटेक करण्याच्या प्रयत्नात एका व्हॅनला धडक दिली. ज्यात त्या व्हॅनमधील एका दाम्पत्याचा मृत्यू झाला. या भीषण अपघातानंतर काही दिवसांनी अभिनेत्री तिच्या पतीसह मुंबईत परतले होते. अभिनेत्रीने शाहरुख खानच्या ‘स्वदेस’ चित्रपटात काम केले असून या चित्रपटानंतर तिने बॉलीवूडला रामराम केला. त्यानंतर काही वर्षांनी तिने उद्योगपती विकास ओबेरॉयसह लग्न केले. अभिनेत्रीचा पती प्रसिद्ध रिअल इस्टेट व्यावसायिक असून त्यांना दोन मुले आहेत.
