मराठी सिनेसृष्टीत झालेली कलाकारांची लग्न बरीच चर्चेत राहिली. एकामागोमाग एक कलाकार जोड्या लग्नबंधनात अडकत गेल्या. अशातच एक मराठमोळी कलाकार जोडी काही महिन्यांपूर्वी विवाहबंधनात अडकली आहे. मराठीतील सुप्रसिद्ध अभिनेत्री व अभिनेत्याने गुपचूप लग्न करत चाहत्यांना सुखद धक्का दिला आहे. ही जोडी म्हणजे अभिनेत्री सुरुची अडारकर व अभिनेता पियुष रानडे. सुरुची व पियुष यांनी लग्न करत सगळ्यांनाच आश्चर्याचा धक्का दिला. त्यांच्या लग्नाचे फोटो सोशल मीडियावर व्हायरल झाले. थेट लग्नाचे फोटो शेअर करत दोघांनी त्यांच्या नात्याची जाहीर कबुली सोशल मीडियावरुन दिली. (Suruchi Adarkar Piyush Ranade Wedding)
सुरुची व पियुष यांच्या लग्नाच्या जोरदार चर्चा रंगलेल्या पाहायला मिळाल्या. शाही थाटामाटात व अगदी पारंपरिक अंदाजात त्यांनी हा विवाहसोहळा उरकला. लग्नासाठी सुरुची व पियुष यांचा खास लूक पाहणंही रंजक ठरलं. अशातच आता पियुष व सुरुची यांच्या लग्नाला तीन महिने पूर्ण झाले आहेत. लग्नाला तीन महिने पूर्ण होताच त्यांनी सोशल मीडियावरुन शेअर केलेल्या स्टोरीने साऱ्यांचं लक्ष वेधून घेतलं आहे. सुरुची व पियुष या त्यांच्या खास दिवशी डेटवर गेले असल्याचं पाहायला मिळत आहे.
लग्नानंतर पियुष व सुरुची त्यांचे लग्नानंतरचे दिवस एन्जॉय करताना दिसले. लग्न झाल्यावर कामाच्या व्यस्त शेड्युलमधून वेळात वेळ काढून दोघेही फिरायला देखील गेले होते. अशातच आता लग्नाला तीन महिने पूर्ण होताच पियुष व सुरुची हे डेटवर गेले आहेत. पियुषने त्याच्या बायकोला हे खास सरप्राइज दिलं असल्याचं पाहायला मिळत आहे. सुरुचीने इंस्टाग्रामवर स्टोरी पोस्ट केली आहे. यांत दोघेही एका रेस्टॉरंटमध्ये डिनरला गेलेले पाहायला मिळत आहे. सुरुचीसाठी ‘Happy 3 Month Darling’, असं लिहिलेला एक खास केकही पियुषने ऑर्डर केला आहे. ही स्टोरी शेअर करत, “जेव्हा तुमचा नवरा तुम्हाला असं खास सरप्राइज देतो”, असं कॅप्शन दिलं होतं.
लग्नानंतर पियुष व सुरुची त्यांच्या संसारात रमले असून दोघांनीही कामालाही सुरुवात केली आहे. पियुष हा सध्या ‘काव्यांजली’ मालिकेत मुख्य भूमिकेत पाहायला मिळत आहे. तर सुरुचीने ‘सातव्या मुलीची सातवी मुलगी’ या मालिकेतून मालिकाविश्वात कमबॅक केलं आहे.
