Sunil Pal : कॉमेडियन सुनील पाल यांच्याबाबत मोठी अपडेट समोर आली आहे. गेल्या अनेक तासांपासून ते बेपत्ता होते. मंगळवार, ३ डिसेंबर रोजी त्यांची पत्नी ते हरवल्याची तक्रार देण्यासाठी मुंबईतील सांताक्रूझ पोलीस ठाण्यात पोहोचली होती. त्यांच्या पत्नीच्या म्हणण्यानुसार, अभिनेता एक शो करण्यासाठी शहराबाहेर गेला होता आणि नंतर म्हणाला की, तो ३ डिसेंबरलाच परत येईल. मात्र त्याचा फोन बंद झाल्याने आणि कोणीही त्याच्याशी संपर्क साधू शकलं नाही, तेव्हा कॉमेडियन सुनील पाल यांच्या पत्नीने पोलीस ठाणे गाठले. मात्र, सध्या पोलीस या प्रकरणाचा तपास करत आहेत. आणि अद्याप हरवल्याची तक्रार दाखल झालेली नाही.सध्या पोलिसांनी या प्रकरणाचा तपास सुरु केला असून कॉमेडियनच्या जवळच्या लोकांशी बोलून त्याचा ठावठिकाणा, त्याचे शो आणि तो कोणाशी संवाद साधतो याची माहिती गोळा केली जात आहे.
सुनील पाल यांच्या पत्नीने ‘दैनिक भास्कर’ला सांगितले की, कॉमेडियन बरा असून तो दिल्लीहून मुंबईला येत आहे. पोलिसांशीही बोलणे झाले आहे. आणि ४ डिसेंबरला ते आणि त्यांची पत्नी पत्रकार परिषद घेऊन सर्व काही सांगतील. सुनीलच्या पत्नीने सांगितले की पोलिसांनी कॉमेडियनचा फोन नंबर ट्रेस केला होता, ज्याने त्याचे लोकेशन उघड केले आणि तो एका जाळ्यात अडकल्याचे उघड झाले, ज्याबद्दल तो पत्रकार परिषदेत सांगेल. सुनील पाल यांनी अनेक कॉमेडी शोमध्ये आपल्या विनोदाने प्रेक्षकांना खळखळून हसवले आहे. याशिवाय सुनील पाल यांनी चित्रपटांमध्येही आपले अभिनय कौशल्य दाखवले आहे.
‘फिर हेरा फेरी’, ‘अपना सपना मनी मनी’, ‘बॉम्बे टू गोवा’ आणि ‘किक’ यांसारख्या हिट चित्रपटांमध्ये त्यांनी केवळ उत्कृष्ट अभिनयच केला नाही तर आपल्या विनोदाने प्रेक्षकांना खूप हसवले आहे. सुनील पाल हे शेवटचे ‘तेरी भाभी है पहले’ चित्रपटात दिसला होता. हा चित्रपट २०१८ साली प्रदर्शित झाला होता. यानंतर सुनील बराच काळ पडद्यापासून दूर राहिले. मात्र अभिनेते सोशल मीडियावर खूप सक्रिय असतात. आपल्या कॉमेडी आणि अभिनयाबरोबर सुनील पाल आपल्या वक्तव्यांमुळे देखील चर्चेत असतात.
अनेक विनोदी कलाकार आणि अभिनेत्यांविरोधात ते नेहमीच उघडपणे बोलत असतात. गेल्या काही वर्षांमध्ये, सुनील पाल यांनी कॉमेडी या संकल्पनेवर त्यांच्या स्पष्ट मतांमुळे लक्ष वेधून घेतले आहे. आणि आता त्यांच्या बेपत्ता झाल्याची बातमीही सर्वांचे लक्ष वेधून घेत आहे.
