सध्या सिनेमासृष्टीत चर्चा सुरु आहे ती म्हणजे बहुचर्चित ‘सुभेदार’ चित्रपटाची. ‘सुभेदार’ चित्रपटाच्या निमित्ताने अभिनेत्री मृणाल कुलकर्णी, विराजस कुलकर्णी, शिवानी रांगोळे यांचं कुलकर्णी कुटुंब मोठा पडद्यावर पहिल्यांदाच एकत्र झळकणार आहे. या चित्रपटातून त्यांचं ऑनस्क्रीन बॉण्डिंग तर पाहायला मिळणारच आहे, मात्र त्यांचं ऑफस्क्रीन बॉण्डिंगचेही अनेक किस्से ऐकायला मिळत असतात. आई मुलाच्या नात्यापेक्षा सासू सुनेचं नातं हे कुलकर्णी कुटुंबात अधिक घट्ट असलेलं पाहायला मिळतं. (Shivani Rangole On Mrinal Kulkarni)
सासू व सुनेच्या खास बॉण्डिंगच्या अनेक पोस्ट त्या नेहमीच सोशल मीडियावरून शेअर करत असतात. अशातच शिवानीने सासूबाईंचं कौतुक करणारी एक खास पोस्ट इंस्टाग्राम अकाऊंटवरून शेअर केली आहे. शिवानी रांगोळेने लाडक्या सासूबाईंचे कौतुक करत सोशल मीडियावर केलेली ही पोस्ट साऱ्यांचं लक्ष वेधून घेत आहे. सासूबाईंचं कौतुक करण्यासाठी अभिनेत्री शिवानी रांगोळेने खास पोस्ट शेअर केली आहे.
या पोस्ट मध्ये तिने त्या दोघींचे एकत्र पारंपारिक वेशभूषेतील फोटो पोस्ट केले आहेत. आणि त्याखाली कॅप्शन लिहीत तिने म्हटलं आहे की, “समस्त शिवराय प्रेमींसाठी आऊसाहेब असणारी व्यक्ती माझ्यासाठी ताई आहे याचा अभिमान आणि आनंद, ‘सुभेदार’ चित्रपटात एकत्र काम करून द्विगुणित झाला! या क्षणाबद्दल दिग्पाल लांजेकर यांचे खूप खूप धन्यवाद!!!”
विराजस कुलकर्णी व शिवानी रांगोळे यांनी लगीनगाठ बांधली. अनेक वर्ष हे दोघे एकमेकांना डेट करत होते. शिवानी व मृणाल या सासू सुनांपेक्षा मैत्रिणी जास्त आहेत. शिवानी मृणाल यांना ताई या नावाने हाक मारते. मृणाल कुलकर्णी यांनी संपूर्ण शिवराज अष्टत मालिकेत राजमाता जिजाबाईंची भूमिका साकारली आहे. त्यामुळे सामान्य माणसांमध्ये, शिवप्रेमींमध्ये त्यांची ‘आऊसाहेब’ अशी ओळख निर्माण झाली आहे.
‘सुभेदार’ या चित्रपटात मृणाल कुलकर्णी ‘राजामाता जिजाऊ’ यांच्या भूमिकेत, तर शिवानी रांगोळे सूर्याजी मालुसरे यांच्या पत्नीच्या भूमिकेत तर विराजस कुलकर्णी बहिर्जी नाईक यांच्या गुप्तहेर समूहात ‘जीवा’ ही भूमिकेत दिसणार आहे.
