मराठी सिनेमाविश्वातील सुसंस्कृत, सुजाण, सौम्य असलेल्या अभिनेत्रींनपैकी एक म्हणजे अभिनेत्री स्पृहा जोशी. स्पृहाने आजवर नाटक, मालिका आणि चित्रपट या तीनही माध्यमांमधून सिनेसृष्टीत उत्तम कामगिरी केली. स्पृहाचा विशेषतः कवितांकडे अधिक कल आहे, ती कविताप्रेमी आहे हे सर्वांनाच माहित आहे. स्पृहाचं तिच्या कुटुंबियांवरही विशेष प्रेम आहे. बरेचदा ती तिच्या कुटुंबाबद्दल बोलताना दिसते. अशातच अभिनेत्री स्पृहा जोशीने नुकतीच दिल के करीब या कार्यक्रमाला मुलाखती दिली तेव्हा तिने तिच्या सासरच्या कुटुंबाबद्दल विशेष भाष्य केलं. (Spruha Joshi On Family)
स्पृहाने सासरच्या कुटुंबाबद्दल भाष्य करताना म्हंटल की, “माझ्या करिअरला माझ्या आई-बाबांनी जितका पाठिंबा दिला तेवढाच किंबहुना त्याहून जास्त पाठिंबा माझ्या सासू-सासर्यांनी दिला आहे. माझं खरं काम माझ्या लग्नानंतर सुरू झालं. माझ्या सासूबाई अजूनही मी बाहेर जाताना माझा डबा भरून ठेवतात, मी काम करून आल्यावर मला ज्या पद्धतीचं आवडतं त्या पद्धतीचं जेवण घरी तयार असतं.”
पाहा सासरच्यांबद्दल काय म्हणाली स्पृहा जोशी (Spruha Joshi On Family)
पुढे ती म्हणाली, “एखाद्या फॅमिली फंक्शन असेल, कोणाचा साखरपुडा असेल, कोणाचं लग्न असेल, कोणी बोलावलं असेल या सगळ्या गोष्टी ओघाओघाने येतात जेव्हा आपण त्या प्रवासाला लागतो. पण त्यांनी माझ्याकडून ही कधी अपेक्षा केली नाही. त्यामुळे त्यांचं असं असणं ही माझ्यासाठी खूप सुंदर गोष्ट आहे. मी खरंच स्वतःला भाग्यवान समजते. आम्ही एकत्रच राहतो आणि असं आमचं चौघांचं छान कुटुंब आहे.
“माझे सासरे हे रिटायर्ड आहेत. पण घरी बसूनही ते बरच काम करतात. ते गीता पठण करतात आणि मोफत मुलांना त्याचं शिक्षणही देतात. तबला शिकवतात, शिवाय ते हार्मोनियम उत्तम वाजवतात. माझ्या सासूबाई कुशल होममेकर आहेत. आणि अत्यंत सुंदर स्वयंपाक करतात. माझ्या आईनंतर कोणी उत्तम स्वयंपाक करणारी माझ्या देखत असलेली व्यक्ती म्हणजे ती वरदची आई.”
स्पृहाने तिच्या क्षेत्रात पुढे जाण्यासाठी तिच्या सासू सासऱ्यांनी बरीच मदत केली. अभिनय क्षेत्र हे असे क्षेत्र आहे जिथे वेळ काळ विशेष पाळला जात नाही. अशावेळी जर घरच्यांचा सपोर्ट असेल तर आपण त्या क्षेत्रात नक्कीच पुढे जाऊ शकतो. स्पृहालाही सासरी आल्यानंतर या क्षेत्रात काम करण्यासाठी सपोर्ट मिळाला.