Actor Siddharth Prabhu Hit & Run Case: सध्या हिट अँड रनचं प्रकरण दिवसेंदिवस वाढत असल्याचं दिसत आहे. नुकतीच केरळमध्ये देखील हिट अँड रनची एक घटना घडली आहे. या प्रकरणामुळे सर्वत्र संतापाची लाट उसळली आहे. लोकप्रिय टीव्ही अभिनेता सिद्धार्थ प्रभू याने मद्यधुंध अवस्थेत केलेल्या बेजबाबदार कृत्यामुळे मनोरंजनविश्वात एकाच खळबळ उडाली उडाली आहे. २४ डिसेंबर २०२५ रोजी झालेल्या अपघातात गंभीर जखमी झालेल्या ५३ वर्षीय व्यक्तीचा उपचारादरम्यान मृत्यू झाला. याप्रकरणी पोलिसांनी सिद्धार्थवर सदोष मनुष्यवधाचा गुन्हा दाखल केला आहे. या घटनेमुळे संपूर्ण केरळमध्ये गोंधळ उडाला असून सिद्धार्थविरोधात संताप व्यक्त केला जात आहे.
२४ डिसेंबर २०२५ रोजी रात्री ९ वाजताच्या सुमारास कोट्टायम येथे एम. सी. रोडवर ही घटना घडली. सिद्धार्थ, मद्यधुंद अवस्थेत कोट्टायमकडून येत होता. मद्यधुंद असल्यामुळे सिद्धार्थचं त्याच्या गाडीवरचं नियंत्रण सुटलं आणि त्याची गाडी समोरच्या वाहनाला धडकली. रस्त्याच्या कडेला उभ्या असलेल्या ५३ वर्षीय कनकराज यांचा यादरम्यान अपघात झाला. कारची जोरात धडक झाल्यामुळे कनकराज गंभीर जखमी झाले. अपघात घडल्यानंतर नागरिकांनी घटनास्थळी सिद्धार्थला घेराव घातला. दारूच्या नशेत असलेल्या सिद्धार्थने सर्वांना शिवीगाळ करण्यास सुरुवात केली. इतकंच नव्हे तर घटनास्थळी पोहोचलेल्या पोलिसांसोबत अभिनेत्यानं भांडण करायला सुरुवात केली आणि त्यांना धक्काबुक्की करण्याचा देखील प्रयत्न केला. (Actor Siddharth Prabhu Hit & Run Case)
शेवटी चिंघवनम पोलिसांनी सिद्धार्थ प्रभूला ताब्यात घेतलं असून त्याची वैद्यकीय तपासणी केल्यानंतर तो मद्यधुंद अवस्थेत होता हे सिद्ध झालं आहे. गंभीर जखमी झालेल्या कनकराज यांना तातडीनं रुग्णालयात दाखल करण्यात आलेलं. पण, सात दिवस मृत्यूशी झुंज देणाऱ्या कणकराज यांची १ जानेवारी २०२६ रोजी प्राणज्योत मालवली. कनकराज यांच्या निधनानंतर आता सिद्धार्थवर सदोष मनुष्यवधाचा गुन्हा दाखल केला आहे. (Actor Siddharth Prabhu Hit & Run Case)
